Naheed saHiba: salaam arz hai aik taveel arse baa'd aap ki jaanib se kuch sun'ne ka mauqa milaa. aap ki ye ghazal ba.radeef-e-"daaire" hameN pasand aayee :) aap ne is mushkil zameen meiN bahot ache ash'aar kahe haiN khaaksaar ki jaanib se daad qubool farmaaiN jo ash'aar zyaada pasand aaye,...

salaam Najma baji:

vaah vaah !! aap ne apne vaalid-e-marHoom ki bahot umda ghazal sunaai. tamaam ash'aar bahot pasand aaye.

bahot lutf aaya paRh ker.

aik umda ghazal sunaane ke liye aap ka bahot bahot shukria :)

guldasta-e-aqeedat-o--o-khuloos-o-muvaddat aap ke liye

amjad

waaaaah amjad miyaaN waaah masha allaah roz ba roz nikhaar hi aata cha jarahay hay, tumhare andaz-e-fikr meiN. kya baat hay yuuN to poori ghazal ki pasand aae , lekin ye she,r====== dil ki dunya udaas rehti hai cheiR do phir se koi taar-e-ghazal :-) waaah waah waah kya taGhazzul hay is meiN. :-) ek...

Assalam-o-alaikum ustaad shaa'ir janaab Abdullah Nazir ke taraHi misre per meri kawish haazir hai, her chand ke is zameen meiN she'r kehna mere liye ju-e-sheer laane ke mutaraadif hua, radeef ne bahot si paabandiyaaN aayed karne ki koshish ki :D, phir bhi jo ash'aar hue, aap ke saamne haiN : kaun ha...

zia saHib salaam arz hai huzoor !! aap ki raftaar teiz hai, aur maiN sust.gaam, aap "jet plane" uRaa rahe haiN, aur maiN abhi tak "laila-e-sukhan" ke saath mehmal nasheeN hooN aur zaahir hai, ooNT ki raftaar to "jet plane" se aahista hi hogi :grin: :lol mazaaq bar.taraf...

Raa'na jee: salaam arz hai aap ne itni mushkil aur mere nazdeek banjar zameen mein kaafi khoobsurat aur khushnumaa phool khilaaye, yaqeenan aap daad aur mubarak.baad ke Haqdaar haiN 1- misaal-e-mastiy-e-sehbaa hei yaad-e-yaar kaa luTf shab-e-firaaq niraalaa hei intizaar ka lutf matla pasand aaya, kh...

to lejeye Ghazal Haazir hai , par Khudaara apne iHsaasaat se aagaah zaroor farmaayegaa !! agar aap ki nigaah paRtee hai Ghazal par , aur phir aap ko Ghazal achchi lage yaa buree lagee , raye-zani zaroor kejeyega , aakhir aap log samajhte kyoN nahiN ! shaai'r ka dil TooT jaataa hai :cry: :cry: zia s...

Najma baji salaam arz hai aap ki ye ghazal dekhi aur bahot pasand aayee matle ke misra-e-caani meiN "vohi" munasib nahin lag rahaa, ye sirf meri zaati raaye hai jo ghalat bhi ho sakti hai ;) she'r no. 2 aur teen to paRh ker lutf aa gayaa : mazloom ko sooli pe chaRhaa dete haiN Haalaat ae d...

dunya jee:

aap ki ye ghazal, aur is ki zameen dono hi bahot pasand aaye

hamaari jaanib se daad haazir hai, qubool farmaaiN :)

amjad

Amjad bhaaii dilee daad qabul kereN bohat khush huee aap kaa kalaam peRh ker tahira aapa, salaam arz hai aap ko meri ye adna si kawish pasand aayee, ye jaan ker mujhe bhi bahot khushi hui :), aap ka bahot bahot shukria us ko she'roN se koii khaas shaghaf tha hi nahiN aur maiN taaza ghazal roz sunaa...

abr-e-reHmat tha ke thi ishq ki bijlee yaarab
jal gayee mizra-e-hasti, tu ugaa dana-e-dil

RaAna jee:

salaam arz hai aur mehfil mein khush.aamdeed

aap ki ghazal bahot pasand aayee, acha likhte haiN aap, isi taraH apna kalaam hameN sunaate raheN

amjad

safiya saHiba

salaam arz hai

aap ne ghazal ko pasand farmaaya, maiN dil se aap ka mamnoon hooN , aur muntakhib she'r per daad ke liye bhi aap ka bahot bahot shukria

sadaa khush raheN

amjad

Irfan bhai: salaam arz hai aap ki ye taaza ba.taaza, nau.ba.nau ghazal hameN be.Had pasand aayee jo raah-e-muhabbat pe chalaa, faKhr-e-jahaaN hai sholoN se guzarnaa koii aasaaN nahiiN hotaa sochaa to kayii baar, bhulaa duuN tujhe lekin ye kaam kisii taur, mirii jaaN! nahiiN hotaa jal uThte haiN aaNk...

Najma baji

salaam arz hai

hamesha ki taraH aap ki ye ghazal bhi mujhe bahot pasand aayee, aap to jaanti haiN ke maiN arsa-e-daraaz se aap ke kalaam ka maddaaH hooN :)

ye zameen lagta hai aap ke liye kaafi zarkheiz caabit hui hai, meri jaanib se daad Haazir hai,q ubool farmaaiN :)

amjad