Mohtaram Janab SARWAR RAZ SaHeb, waise maira to pehlay bhi khyaal thaa ke 'ishq o 'aashiqi" qaabil e 'istemaal heN. meN 'ishq aor 'aashiqi ko bilkul aek jaaisaa nahi samajhtaa. meN isse "sher o shairi" ki taraH laitaa thaa. jo ta'alluq sher oar shairi meN hai wohi 'ishq oar 'asshiqi m...

munir bhai

Assalam o Alaikum,

kaise heN aap? aap ka tabSiraa mosool ho gyaa. meN aap ka bohat shukrguzaar hooN. aap ne jo nikaat uThaaeN heN woh bohat zabardast heN. laikin in par baat kuch dair b'aad ho gi. abhi Sirf aap k tabSiraa ki receipt dainaa maqSood thi.

Regards,

Muhammad K. Siddiqui.

Salam dosto!

mujhe is aek sher par aap ki raa-aye chahiaye.

meN ne taSweer sajaani hai kissi ki dil meN
koi aisaa ho ke dil samjhe khudaa baiThaa hai

niazmand

Mohtaram Janab Sarwar Raz SaHeb,

Allah t'aala aap ki SeHt o tuandurusti ke saath lambi umr 'ataa farmaye. aap ke mut^lia or teHqeeq ne ham jaisoN na laaiqon ke leeay aap ko mishal e rah banaa rakhaa hai. hamesha aap ke leeaye dua go,


khosha cheeN

Javed SaHeb, kuch dair se Haazir huwaa hooN laikin umeed hai ke mu'aaf farmaeN ge. aor maire mukhtaSir aor saada alfaaz ko hi bohat kuch samjhe geN. hamari bhabhi ke leeaye aap ke ye jazbaa qaabil deed hai. aor shaadi ke pachees saloN meN woh sukhan shanaas to ho hi chuki hoN gi :grin: wagarnaa aaj ...

Mohtaram Janab Sarwar Raz SaHeb, Hamesha ki taraH aap ki ghazal bohat shaandaar hai. laikin is baar to maqtaa bus jaan laine ki hi qareeb thaa. :P . aek aor chhoti si baat bhi agar samjhaa deN to bohat shukrguzaar hooN ga. aek baar meN ne aek sher likhaa, hai kyaa aashiqi, ishq hai kyaa mu'amma, ye ...

Salam Sohail SaHeb,

aek khoobSoorat ghazal par mubarakbaad qubool kijiaye. mujhe ye sher sab se behtareen lagaa.

ye jins nadaamat ke siwaa kuch nahi daiti
meN apni sharafat ki sazaa jhail rahaa hooN

niazmand,

Muhammad K. Siddiqui.

Salam Farhan, umeed hai ke itne muKhtaSir se comments ko hi bohat jane geN. 1)na jeene marnay ka kuch ahtaymaam karty hain. tire baGair youN hi Subh-o-shaam kartay hain. ye sher bilkul saada se laga. 2)tumharay Husn kay QiSSay, tumharii hi bateeN. yeh kar-e-neik hai, aur hum yeh kaam kartay hain. kh...

Tamam dostoN ke salam, kaafi 'arsaa ke b'aad yahaaN se guzar huwaa to sohcaa chalte chalte mushairay se hotaa jaa-ooN. waah janab muzaffar SaHeb, kyaa khoob ghazal kahi hai aek baar phir. kyaa aap mujhe ijaazat deN ge ke is khoobSoorat ghazal meN bhi kuch keeRay nikaal looN? 1. "basar auqaat&qu...

woh kah rahe hain sajee hai zameeN sitaaroN se
yeh baat such hai ke heela mujhe bulaane ko

Great One!

zia SaHeb,

ghazal waqitan bohat khoob hai oar pasand aaii

Regards,
Muhammad K. Siddiqui.

Mohtaram Janab Muzaffar SaHib, Allah t'aalaa par apni reHamtoN ki baarish kartaa rahay. meN beHad shukrguzaar hooN ke aap mujh naa cheez ko is moHabbat se samjhate heN. meN aap ka hameshaa se qarzdaar raha hooN. aap likhte haiN.. naqsh-e-paaeY-e-yaar detaa hai Z^iya har Gaam par jab CharaGh-e-kuchah...

Salam Muzaffar SaHeb, i'shQ meN andeshah*-e-sud-o-ZiyaaN hotaa naheeN dushman-e-jaaN par bh~ee dushman kaa GumaaN hota naheeN! khoob hai. kiyooN bayaan-e-Husn meN Husn-e-bayaN hotaa naheeN shaokh* kiyooN aakhir miraa t^arz-e-bayaaN hotaa naheeN? shaad* hooN baaGh-e-tamannaa par Giree haiN bijliyaaN ...

Mohtaram Janab Saffy SaHeb, aap ke teHrooroN se aap ki shakhsiat ka kuch andaaza hai. aap is maidan ke mustanid khilaaRi heN oar meN aik t^aalib ilm. bhalaa kyaa raa-aye dooN. laikin is meN kuch shak naheeN ke ghazal khoob hai. haan do ashaar meN mujhe aap ki madad ki zaroorat hai. 1. kaheeN woh muj...

Muzaffar bhai,

Bohat 'arSa ke b'aad thoRi dair ke leeaye Haazir huwaa hooN. aap ki n'aatia ashaar bohat pasand aa-aye. Allah t'aala qubool o manzoor farmaa-aye.

mukhliS,
Muhammad K. Siddiqui.