TarHi MizaHia Kalam - Tanwir Phool

[Tanwir Phool]

بسم اللہ الرحمن الرحیم
طرحی مزاحیہ کلام
جو تم ٹانگ اپنی پسارو گے بھائی
تو شامت کو اپنی پکارو گے بھائی
جوانی میں بھی گر نکمے رہو گے
تو وقت اپنا کیسے گزارو گے بھائی ؟
نہیں کام کرنے کا جذبہ ہے دل میں
سدا یوں ہی کیا مکھی ماروگے بھائی ؟
جو مانگا ہے واپس تو ہنس دیتے ہو تم
یہ قرض اپنا کب تک اتارو گے بھائی ؟
جو قومی خزانہ ہے ، ہتھیا رہے ہو
" سنو کب تلک ڈنڈی مارو گے بھائی "
پتا چل گیا ہے ، یہ لفاظیاں ہیں
نہ اپنا وطن تم سنوارو گے بھائی
جو دولت ہے ، باہر چھپا رکھی تم نے
پکڑ جب ہوئی تو سدھارو گے بھائی
کہا غنچوں سے پھول نے باغ میں ہے
ہوا سے لڑو گے تو ہارو گے بھائی
( تنویر پھول ، نیویارک : امریکہ )