Harf e tay se ashaar

Post by **najma** » Fri May 27, 2005 12:27 pm

tere ghar ponchne ki mitt gaee haiN sab raaheN
wo hujoom umDaa hay shehr bhar meiN saRkoN par
khawar

Post by **Hashmat Usmani** » Sat May 28, 2005 3:09 am

tum aur fareb khaao bayaan-e-raqiib se
tum se to kam gilaa hai, ziyaada nasiib se

AaGhaa Hashr

Post by **Hashmat Usmani** » Sat May 28, 2005 4:16 am

tai hoNge kis taraH yeh maraaHil, kahaa na jaaye
is tiirgii meN kia hai muqaabil, kahaa na jaaye!

Shahzaad AHmad

Post by **najma** » Sat May 28, 2005 9:19 am

teri mehfil bhi gaee, chahne waale bhii gaey
shab ki aahieN bhii gaeiN, sub,h ke naale bhii gaey

Post by **zmufti** » Sat May 28, 2005 2:19 pm

tere hangamoN se aye deewana-i-rangeeN nawa
zeenat-gulshan bhee hai aaraish-e-sehra bhee hai

Post by **najma** » Sat May 28, 2005 8:53 pm

ta,assubaat ka khush-raNg ik labaadah laga
maiN kya kahooN ,keh mujhe to mizaaj-e-ehl-e-nazar
khawar

Post by **Hashmat Usmani** » Sun May 29, 2005 12:50 am

TuuTe huye diloN kii du'aa mere saath hai
duniyaa terii taraf hai, Khudaa mere saath hai

Nizam Rampuri

Post by **najma** » Sun May 29, 2005 5:10 pm

tanhaa tanhaa ham ro leingay mahfil mahfil gaaeingay

jab tak aaNsuu paas raheNgay, tab tak geet sunaaeingay

Post by **najma** » Mon May 30, 2005 9:32 pm

tasweer banata hoo, tasweer naheeN bantii
ik khaab sa dekhaa hay, taabeer nahii bantii

Post by **najma** » Mon May 30, 2005 9:59 pm

ta,alluqaat ki ta,meer kar ke deewaareN
maiN kitna aape se baahar tha, kaisa manzar thaa
khawar

Post by **najma** » Mon May 30, 2005 10:20 pm

thee fikr shehr-e-yaar ko bas apni dhoom ki
wo din gaey, keh jab na thii parwa hujoom kii
khawar

Post by **najma** » Wed Jun 01, 2005 12:21 pm

tehreer se log uskii,dhoke meiN rahay, aiy kaashwo
wo lafz samajh lete, lik,khe thay jo qosoN meiN
khawar

Post by **zmufti** » Wed Jun 01, 2005 7:50 pm

teri kaj adai se haar ke shab-e-intizaar chali gayii
meray zabt-e-haal se rooth kar meray gham gusar chaley gaye

Post by **najma** » Wed Jun 01, 2005 9:15 pm

tirii mehfil meiN ban aaee hay shayad aaj apnoN ki
udaasii ke haiN gehre saaey ab GhairoN ke chehroN par
khawar

Post by **Hashmat Usmani** » Wed Jun 01, 2005 11:50 pm

tere baGhair yeh ab zindagii kahaaN guzre
qadam qadam pe tere saath kaa gumaaN guzre

Hafeez Aatish