Harf e tay se ashaar

Post by **najma** » Thu Jun 02, 2005 12:20 am

tehreek-e-tark-e-ehd hay ab har qasam ke saath
joRa hay yuuN wafaaoN se rishtah sitam ke saath

Post by **Hashmat Usmani** » Thu Jun 02, 2005 1:16 am

tamaam 'umr kaa Hisaab maangtii hai zindagii
maangtii hai zindagii
yeh meraa dil kahe to kia, yeh Khud se sharm_saar hai
yeh Khud se sharm_saar hai
yeh kia jaghe hai, dosto!...

Shahryaar

Abdullah Nazir · Post by **Abdullah Nazir** » Thu Jun 02, 2005 3:09 am

Tabassum us ke lab per thaa ke bijli sii chamakti thii

mire dil kaa nasheman zad meiN thaa :Nazir: maiN kyaa kartaa.

fil.............

Nazir.

Post by **najma** » Thu Jun 02, 2005 12:07 pm

tum un ke wa,de ka zikr un se kyuuN karo Ghaalib!
ye kya, keh tum kaho, aur wo kaheN keh yaad naheeN
Ghalib

Abdullah Nazir · Post by **Abdullah Nazir** » Fri Jun 03, 2005 11:10 am

tamanna'aoN kaa khooN karke milaa karte hou yooN mujh se

keh jaise bakhsdi houN saari khushiyaaN zindagaanii kii.

Nazir.

Post by **najma** » Fri Jun 03, 2005 12:59 pm

tant ke waqt meiN apnoN se na munh pher, keh tuu
daulat islaam ki hay, kufr ka iqbaal naheeN
zafar ali

Abdullah Nazir · Post by **Abdullah Nazir** » Fri Jun 03, 2005 5:27 pm

tajziyah karte rahe loag tiri baataoN ko

mujhko yeh fikr thii, aayeenah muqaabil tou nahiN[/u\

Nazir.

Post by **najma** » Fri Jun 03, 2005 6:44 pm

tire shaheedoN ke aagay na rang pakRe ga
hazaar rang se ho lala-e-gulistaaN surkh

aatish

Post by **najma** » Sun Jun 05, 2005 12:46 am

rire pyaar ka aasra chahtaa hooN
wafa kar rahaa hooN, wafa chaahtaa hooN

Post by **Hashmat Usmani** » Sun Jun 05, 2005 2:09 am

tere badan meN dhaRakne lagaa huuN dil kii taraH
yeh aur baat k ab bhii tujhe sunaaii na duuN

AHmad faraaz

Post by **najma** » Sun Jun 05, 2005 2:13 am

tum se hua na dard-e-dil-e-zaar ka ilaaj
phir kon se maraz ki batao, dawaa ho tum

Post by **Hashmat Usmani** » Sun Jun 05, 2005 2:22 am

taasiir to taasiir, tasavvur hai gurezaaN
raatoN ko zaraa maaNgiye uTh uTh ke duaa aur

Shakeel Badaayuunii

Post by **najma** » Sun Jun 05, 2005 2:26 am

tujh ko paane ke liye, khud ko miTaane ke liye
maiN ne kya kya ajab ohaam tarashe aiy dost!
khawar

Post by **Hashmat Usmani** » Sun Jun 05, 2005 2:29 am

tere Khush_buu meN base Khat maiN jalaataa kaise?
jinko duniyaa kii nigaahoN se chhupaaye rakhaa
jinko ik 'umr kaleje se lagaaye rakhaa
diin jinko, jinheN iimaan banaaye rakhaa

Rajendranaath "Rahbar"

Post by **najma** » Sun Jun 05, 2005 2:34 am

tirii chashm-e-fasooN-gar ne kiya, kya jane kya jaaduu
tira kalmah wohii paRhte haiN, jo allaah waale haiN
daGh

Harf e tay se ashaar

"te"

"te"

?te"