Sher ke doosre misre ke pehle/aakhri alfaaz se sher kahiye!

Post by **najma** » Wed May 04, 2005 9:53 pm

karte rahay jo chaand sitaroN ki guftguu
insaaN ki aabruu ke nigehbaaN na ho sake
najma

insaaN/ho sake

Post by **najma** » Thu May 05, 2005 9:53 am

hay shor wo har samt, keh mehfil pr giraaN hay
saqi se musalsal gila-e-tishna-labaaN hay
khawar

saqi/hay

Post by **Hashmat Usmani** » Thu May 05, 2005 10:46 am

saaqii kii har nigaah pe bal khaa ke pii gayaa
laharo.n se khelataa huaa laharaa ke pii gayaa

Jigar Moradabadi

Post by **Hashmat Usmani** » Thu May 05, 2005 10:55 am

saaqii kii har nigaah pe bal khaa ke pii gayaa
lahroN se kheltaa huaa, lahraa ke pii gayaa

Jigar Moradabadi

Post by **Hashmat Usmani** » Thu May 05, 2005 10:57 am

saaqii kii har nigaah pe bal khaa ke pii gayaa
lahroN se kheltaa huaa, lahraa ke pii gayaa

Jigar Moradabadi
LAHRAA / GAYAA

Post by **najma** » Thu May 05, 2005 11:03 am

gaya, to saath mirii rooh ka dhuwaaN le kar
khayal-e-yaarne choRa na saath jeete-jee
nafis ahmad siddiqui

Abdullah Nazir · Post by **Abdullah Nazir** » Thu May 05, 2005 9:49 pm

khayaal-e-yaar se kab zehn ko milii furSat

sukooN kahaN hei mujhe zindagii kii raahaoN meiN.

sukoon /meiN

Nazir.

Post by **najma** » Thu May 05, 2005 10:22 pm

sukooN se beet gaee ab talak to aiy najma!
ye zesst dekhiye baqii, kahaaN guzartii hay
najma

ye/hay

Abdullah Nazir · Post by **Abdullah Nazir** » Thu May 05, 2005 10:43 pm

yaad karte heiN tujhe ahl-e-waTan, kiyuN nah kareN

Dhoondtaa hei mujhe ghurbat meiN waTan meraa bhii.

"ye"

Nazir.

Post by **najma** » Thu May 05, 2005 10:50 pm

DhoonDne nikla ilaaj-e-Gham-e-dauraaN koee
hoga dil se bhi ziyada yahaaN naadaaN koee
najma

hoga/koee

Abdullah Nazir · Post by **Abdullah Nazir** » Fri May 06, 2005 7:05 am

Koii kyaa jaane musaafir kii kahaaN raat kaTe

uski aankhaoN meiN ghubaar-e-rah-e-manzil hii tou hei.

Nazir.

Post by **najma** » Fri May 06, 2005 10:22 am

hay karbala ka manzar-e-khooN raNg har taraf
tishna-laboN pe nadish-e-aab-e-faraat hay
bakhsh

tishnah/hay

Abdullah Nazir · Post by **Abdullah Nazir** » Fri May 06, 2005 7:37 pm

tishnah-lab ke liye jaam-e-maiy-e-gulgooN bhii nahiN

surkhiy-e-Aariz o lab, rouz sataati hei mujhe.

(surkhii / mujhe)

Nazir.

Post by **najma** » Fri May 06, 2005 7:50 pm

mujhe raat kaatnii hay, mujhe jaagna parega
jo ye so gaya to soey, bare shauq se zamanah
majna

jo/zamanah

Abdullah Nazir · Post by **Abdullah Nazir** » Sun May 08, 2005 12:41 pm

jou bhii hounaa thaa houaa, bhool hii jaa'ou sab kuch

daastaan-e-gul o bulbul nah sunaa'ou mujhko.

jo / mujhko

Nazir.