Harf-e-'SEEN' se ash'aar bhejiye..shukriya!

Abdullah Nazir · Post by **Abdullah Nazir** » Tue Feb 14, 2006 11:20 pm

saaya afgan thii tumhaari ghamgusaari is TaraH

khaarzaar-e-zindagi ko gulsitaaN kehnaa paRaa.

Shayer: Abdullah Nazir.

Nazir.

Post by **Daanish** » Wed Feb 15, 2006 2:02 am

saaqi, ba_jalwa, dushman-e-iimaan-o-aagahi
mutrib, ba_naghma, rehzan-e-tamkeen-o-hosh hai--Ghalib

Abdullah Nazir · Post by **Abdullah Nazir** » Wed Feb 15, 2006 3:03 am

souz-e-alam se dasht meiN uThte nahiN qadam

her aabilah lipaTne lagaa nouk-e-khaar se.

Shayer: Abdullah Nazir.

Nazir.

ummassad · Post by **ummassad** » Wed Feb 15, 2006 5:21 pm

sarakhti jae hy ser se naqab aahista aahista
nikalta jaraha hy mahtaab aahista aahista

Abdullah Nazir · Post by **Abdullah Nazir** » Thu Feb 16, 2006 4:51 am

sunaa jab us ne maiN dilgeer hooN, likhkhaa hei yeh mujhko

jilaa paati hei furqat meiN, muHabbat kam nahiN houti.

Shayer: Abdullah Nazir.

Nazir.

Abdullah Nazir · Post by **Abdullah Nazir** » Fri Feb 17, 2006 2:46 am

souchtaa hooN kyaa qiyaamat aagaie yaa aayegi

baam per aatah jab wo maah-e-kaamil kii TaraH.

Shayer: Abdullah Nazir.

Nazir.

Post by **Daanish** » Fri Feb 17, 2006 4:01 am

sab ko maqbool hai dawa tiri yaktaai ka
ru-ba-ru koi but-e-aaina_siima na hua--Ghalib

Post by **Daanish** » Fri Feb 17, 2006 4:04 am

saadgi par uski, mar jaane ki hasrat dil meiN hai
bas nahiN chalta ke phir khanjar kaf-e-qaatil meiN hai--Ghalib

Abdullah Nazir · Post by **Abdullah Nazir** » Sat Feb 18, 2006 1:44 am

sulajh nah jaaye agar zulf-e-kaargaah-e-jahaaN

tou souchnaa mujhe paagal zaroor karde gaa.

Shayer: Abdullah Nazir.

Nazir.

Post by **Daanish** » Sat Feb 18, 2006 3:34 am

sun raha huN hawadis ki awaaz ko, paa raha huN zamane ke har raaz ko
dosto uTh raha hai diloN se dhhuaaN, aankh lene lagi hichkiyaaN dosto--Makhdoom

ummassad · Post by **ummassad** » Sat Feb 18, 2006 6:01 am

sub kuch luta ke hoosh main aaye tu kya kiya
din main agar charag jalaye tu kye kiya

Abdullah Nazir · Post by **Abdullah Nazir** » Sun Feb 19, 2006 1:42 am

Souz-e-firaaq-e-yaar kaa Aalam nah poochiye

jaise guzarrahaa hooN kisi khaarzaar se.

Shayer: Abdullah Nazir.

Nazir.

Post by **Shummu** » Mon Feb 20, 2006 10:57 am

Suntey hain sabhi gaur se awaz-e-jaras ko,
Manzil ki taraf koii rawana nahi hota.

Abdullah Nazir · Post by **Abdullah Nazir** » Mon Feb 20, 2006 5:08 pm

souchtaa hei kahiN andhaa tou nahiN hei :Nazir:

jab se chilman tiri meHfil pe paRi rehti hei.

Shaayer: Abdullah Nazir.

Nazir.

Jibraan Khalil · Post by **Jibraan Khalil** » Mon Feb 20, 2006 6:42 pm

sab dekh rahe heN merey luTne ka tamasha
aey subh e alam ! tou hi bataa' kaisa samaaN hai