Shair ka jawab shair main dejeye

Abdullah Nazir · Post by **Abdullah Nazir** » Fri Jun 24, 2005 3:35 am

MuHabbat dil meiN baaqi hei javaani aankh se aujhal

nigaahaoN meiN ajal hei zindagaani aankh se aujhal.

Nazir.

Post by **najma** » Fri Jun 24, 2005 9:32 pm

jeete jee koocha-e-yaar se jaya na gaya
uski deewaar ka sie se mire saaya na gaya
saGhar

Abdullah Nazir · Post by **Abdullah Nazir** » Fri Jul 01, 2005 2:18 am

saaqiyaa Hasrat-e-tajdeed-e-mulaaqaat kahaaN

maiN kahaaN aur tirii bazm-e-kharaabaat kahaaN.

Nazir.

Post by **Hashmat Usmani** » Fri Jul 01, 2005 3:26 am

mumkin nahiiN k bazm-e-tarab phir sajaa sakuuN
ab ye bhii hai bahut k tumheN yaad aa sakuuN

Jagan Nath "Aazaad"

Abdullah Nazir · Post by **Abdullah Nazir** » Sun Jul 03, 2005 6:48 pm

zindagi ham ne guzaari hei un insaanaoN meiN

jou nah kaafir heiN nah shaamil hei musalmaanaoN meiN.

Nazir.

Post by **Hashmat Usmani** » Tue Jul 05, 2005 3:06 am

na ho jaao bad_naam tum, is liye
maiN ro ro ke daaman bhigotaa nahiiN

Zaheer Anwar

Abdullah Nazir · Post by **Abdullah Nazir** » Sat Jul 09, 2005 4:17 am

mujh se her raaz chupaalete hou apnaa kehkar

yehi andaaz-e-wafaa hei tou jafaa behtar hei.

Nazir.

Amoodi · Post by **Amoodi** » Sat Jul 09, 2005 8:56 am

Jab kisi jism sei hoker koyi barchi guzri
Muj ko mehsoos huwa khoon baha hei mera

Amoodi · Post by **Amoodi** » Sat Jul 09, 2005 8:59 am

Jab kisi jism sei hoker koyi barchi guzri
Muj ko mehsoos huwa khoon baha hei mera

Post by **PK Swami** » Sun Jul 10, 2005 6:06 pm

kis ghazab meiN hai, kis aafaT meiN hai, kis mushkil meiN hai
dam meraa khanjar meiN hai khanjar kaf.e qaatil meiN hai

PK Swami

RAUSHNEE · Post by **RAUSHNEE** » Mon Jul 11, 2005 10:06 pm

koi nam-o-nishan pochay tu ay qasid bata dena
takhalus daagh hai aur ashiqon k dil mein rehta hon

Post by **Hashmat Usmani** » Tue Jul 12, 2005 2:42 am

lete hii dil jo, 'aashiq-e-dil_soz kaa, chale
tum aag lene aaye the, kia aaye, kia chale

Ustaad Ibraaheem Zauq

Post by **PK Swami** » Tue Jul 12, 2005 2:38 pm

asar ai aaH.e sozaaN, kuchh na kuchh apnaa dikha denaa
na aayeN vo to ek din, aaG hee ghar meiN lagaa denaa

PK Swami

RAUSHNEE · Post by **RAUSHNEE** » Tue Jul 12, 2005 3:59 pm

ishq per zoor nahi hai yeh woh atish Ghalib
jo lagaye na lagay aur bujhaye na bujhay

Abdullah Nazir · Post by **Abdullah Nazir** » Tue Jul 12, 2005 7:13 pm

aatish-e-ishq meiN jal jaaye nah hastii meri

aankh se ashk bahaataa hooN bujhaane ke liye.

Nazir.