Sher ke doosre misre ke pehle/aakhri alfaaz se sher kahiye!

shahnaz zafar · Post by **shahnaz zafar** » Wed Jun 08, 2005 10:42 pm

raheynge hamsafar e waqt ka chalan ban ker
kabhee ghubaar e beyaanbaan kabhee chaman ban ker

Post by **najma** » Wed Jun 08, 2005 10:43 pm

kabhii kabhi mire dil meiN khayaal aataa hay
keh jaise tujhko banaya gaya hay mere liye

keh/liye

Abdullah Nazir · Post by **Abdullah Nazir** » Thu Jun 09, 2005 12:55 am

keh jaise tuu hei makeeN mere khaana-e-dil meiN

jahaaN gulaoN meiN sajaayaa gayaa hei mere liye.

( jahaaN / liye )

Nazir.

Post by **najma** » Thu Jun 09, 2005 1:29 am

jahaaNmeiN aata hay jo giryah-o-fuGhaaN lekar
wo kya karega bhalaa, umr-e-jaawidaaN lekar
najma
wo/lekar

Taskeen · Post by **Taskeen** » Thu Jun 09, 2005 2:50 pm

woh maathe kaa matalaa ho ki hothon ke do misare
bachapan ki Gazal hi meri mehboob rahi hai

bachpan/hai

Post by **najma** » Thu Jun 09, 2005 6:34 pm

hay kaisa tazaad tabee,at meiN ham dunya -daaroN ki khawar!
taqdeer pe eemaaN hay lekin, tadbeer pe takyaa hay phir bhi
khawar qureshi

taqdeer/bhi

Abdullah Nazir · Post by **Abdullah Nazir** » Fri Jun 10, 2005 6:32 am

ghar kahaaN dasht-navardi meiN tou saayah nah milaa

mujh se aavaarah ko kyaa Hasrat-e-manzil hougi.

(mujh / hougi )

Aapka Mukhlis,
Nazir.

Post by **najma** » Fri Jun 10, 2005 1:30 pm

tum ne nazar bachaa ke bhi dekhaa naheeN mujhe
merii nigaah-e-shauq to tum par lagii rahii
najma

merii/ rahii

Post by **najma** » Sat Jun 11, 2005 1:27 am

naheeN rah-bar ki kuch parwaa hameiN , sadqay tasawwur ke
keh aaN kheN band karleeN, aur tire kuuchay meiN jaa-niklay

keh/janiklay/niklay

Post by **najma** » Sat Jun 11, 2005 4:15 pm

haaey rayu ionsaan ki majbooriyaaN
paas reh kar bhi haiN kitnii dooriyaaN

paas/doorii/dooriyaaN

Post by **najma** » Sat Jun 11, 2005 8:25 pm

ham ne to chaahaatha, un se mud,da,aa kardeiN bayaaN
lafz kuch aaey zabaaN par, aur aakar reh gaey
najma

lafz/gaey

Post by **najma** » Sun Jun 12, 2005 2:43 pm

wo is ada se mila hayk janta hi naheeN
watan bhi ek, tamaddun bhi ek, rang bhi ek

watan/ek

Abdullah Nazir · Post by **Abdullah Nazir** » Tue Jun 14, 2005 3:07 am

khoon Tapkaa thaa mire deeda-e-tar se lekin

raah-e-ulfat meiN kabhii haar nah maani maiN ne.

raah / ne

Nazir.

Post by **najma** » Tue Jun 14, 2005 8:13 pm

fil-badee,

chaand to aaj bhi nikalta hay
haaN magar rahnii naheeN hotii
najma

haaN/hotii

Post by **najma** » Wed Jun 15, 2005 11:22 am

ik haqeeqat hay lamha-e-maujood
kal pe tum inhisaar mat karna
najma