SAWALIYAH ASH,AAR========

Abdullah Nazir · Post by **Abdullah Nazir** » Fri Jun 02, 2006 4:00 am

ik umr ibtilaay-e-kashaayish meiN kaT gayi

kyaa ArZ-e-Haal hougaa bhalaa khaaksaar se

Shaayer: Abdullah Nazir.

Nazir.

Post by **zmufti** » Fri Jun 02, 2006 5:20 pm

abhi to daaman chhuRaa rahe ho, bigaR ke ~Qabil~ se jaa rahe ho
magar kabhi dil ki dhaDkanoN maiN shakreek paya to kya kaor ge?

Abdullah Nazir · Post by **Abdullah Nazir** » Fri Jun 02, 2006 5:39 pm

tire taghaaful-e-bejaa kaa thaa acar warnah

maiN teri bazm se kab itnaa be-qaraar uThaa.

Shaayer: Abdullah Nazir.

Nazir.

Post by **zmufti** » Sat Jun 03, 2006 5:54 pm

kab tak dil ki Kher manaayeN, kab tak raah dikhao ge?
kab tak chen ki mohlat do ge, kab tak yaad na aao ge?

Abdullah Nazir · Post by **Abdullah Nazir** » Sun Jun 04, 2006 6:47 am

Is ke siwaa kyaa reh gayaa, shaghl-e-aseeran-e-qafas

zanjeer-e-paa ko dekhnaa yaa jaanib-e-dar dekhnaa.

Shaayer: Abdullah Nazir.

Nazir.

Post by **zmufti** » Mon Jun 05, 2006 6:43 pm

yaadoN ke garaibanoN ke rafuu
yuN dil ki guazar kab hoti hai?

ek bakhia udheRa, ek siyaa
yuN umr basar kab hoti hai?

~Faiz~

Abdullah Nazir · Post by **Abdullah Nazir** » Mon Jun 05, 2006 11:21 pm

mulammaA kiyuN chaRhaaleti hei dunyaa apne chehreh per

Haqeeqat aur houti hei numaayish aur houti hei.

Shaayer: Abdullah Nazir.

Nazir.

Post by **zmufti** » Wed Jun 07, 2006 8:03 pm

shayaan-e-shahadat na hua kiyoN koi mansoor
yaaro rasan-o-daar ka saaman to baham thaa

Abdullah Nazir · Post by **Abdullah Nazir** » Thu Jun 08, 2006 1:27 am

kisqadar Sabr-aazmaa thay zindagi ke marHale

baarhaa :Nazir: gumaaN guzraa shikebaayi gayi

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Sun Jun 11, 2006 7:38 am

Nazir firaaq-e-yaar meiN kyaa ArZ-e-mudduAaa

Hei chaarah-saaz kaun jo de aasraa mujhe???

Shaayer: Abdullah Nazir.

Nazir.

Zahid Jahangir · Post by **Zahid Jahangir** » Sun Jun 11, 2006 12:42 pm

Na jaane kon duaa~oN mein yaad karta hai

main jab bhi doobta hooN samandar uchhal deta hai

Abdullah Nazir · Post by **Abdullah Nazir** » Sun Jun 11, 2006 6:09 pm

color=blue]

"kam nahiN hei dil-e-pur daagh bhee ai murgh-e-aseer

gul meiN kyaa hei jo houaa hei tuu Talabgaar-e-chaman".

Shaayer: Meer Taqi Meer

[/color]
Nazir.

hassan_bashir · Post by **hassan_bashir** » Tue Jun 13, 2006 8:30 am

ham par jo karam haiN, to adu par bhii navaazish!
kya Khaak rahe qadr tire qaul-o-qasam kii?!

Abdullah Nazir · Post by **Abdullah Nazir** » Thu Jun 15, 2006 10:02 am

b]

HooN tire shehr meiN begaana-e-iHsaas-e-khudee

kis TaraH se mujhe Haalaat kaa andaazah hou???

Shaayer: Abdullah Nazir.

Nazir.
[/b]

hassan_bashir · Post by **hassan_bashir** » Thu Jun 15, 2006 12:00 pm

vo gul_farosh kahaaN ab? gulaab kis se luuN?
nahiiN rahaa meraa saaqii sharaab kis se luuN?!