SAWALIYAH ASH,AAR========

hassan_bashir · Post by **hassan_bashir** » Sun May 21, 2006 1:11 pm

kab tak dil ki Kher manaayeN, kab tak raah dikhao ge?
kab tak chen ki mohlat do ge, kab tak yaad na aao ge?!

Abdullah Nazir · Post by **Abdullah Nazir** » Sun May 21, 2006 11:58 pm

"Jaan de denge kisi daaman-e-SeHraa meiN Qamar

margayaa kaun kahaaN kis ko khabar houti hei".

Shaayer: Qamar Jalaalavi

Nazir.

hassan_bashir · Post by **hassan_bashir** » Mon May 22, 2006 7:35 am

haaN vo nahiiN Khudaaparast, jaao vo bevafaa sahii !
jisako ho diin-o-dil aziiz, usakii galii maiN jaaye kyuuN ?!

hassan_bashir · Post by **hassan_bashir** » Mon May 22, 2006 12:29 pm

kyuN.kar us but se rakhuuN jaan aziiz?
kyaa nahiiN hai mujhe iimaan aziiz?!

hassan_bashir · Post by **hassan_bashir** » Tue May 23, 2006 8:14 am

thak thak ke har maqaam pe do chaar rah gaye !
teraa pataa na paayeN to naaChaar kyaa kareN ?

Abdullah Nazir · Post by **Abdullah Nazir** » Tue May 23, 2006 8:57 am

Ishrat-e-saaya-e-gul yaad dilaate kiyuN ho

khwaab meiN aate ho kiyuN neend uRaate kiyuN ho.

Shaayer: Abdullah Nazir.

Nazir.

hassan_bashir · Post by **hassan_bashir** » Tue May 23, 2006 6:50 pm

Chamak rahaa hai jo daaman pe donoN firaqoN ke,
baGhaur dekho ye isalaam kaa lahuu to nahiiN ?

Abdullah Nazir · Post by **Abdullah Nazir** » Tue May 23, 2006 11:22 pm

Said-e-qaus-e-abroo kaa thaa firaar naa-mumkin

teer kyaa khaTaa houtaa aap ka nishaane se.

Shaayer: Abdullah Nazir.

Nazir.

hassan_bashir · Post by **hassan_bashir** » Wed May 24, 2006 1:03 pm

ab miri koii ziNdagi hii nahiiN!
ab bhii tum merii ziNdagi ho kya?!

Abdullah Nazir · Post by **Abdullah Nazir** » Thu May 25, 2006 3:20 am

baqaid-e-khooy-e-taghaaful thaa kyaa paRi thi use

milaa hei mujh se wo zaalim to berukhi se milaa

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Sun May 28, 2006 12:24 am

ajnabi hougaye ham ghair houe heiN tere

inqilabaat houe chashm zadan meiN kyaa kyaa.

Shaayer: Abdullah Nazir.

Nazir.

Post by **zmufti** » Sun May 28, 2006 6:37 pm

kyaa ye bhii zindagii hai ki raahat kabhii na ho
aisii bhii to kisii se mohabbat kabhii na ho

Abdullah Nazir · Post by **Abdullah Nazir** » Mon May 29, 2006 4:04 am

kitnaa naadaan hooN kaisi hei yeh Hasrat meri

paabajoulaaN rahuN aur paauN meiN zanjeer nah ho.

Shaayer: Abdullah Nazir.

Nazir.

Post by **zmufti** » Mon May 29, 2006 5:42 pm

kyo.n hijr ke shikave karataa hai kyo.n dard ke rone rotaa hai
ab ishq kiyaa hai to sabr bhii kar is me.n to yahii kuchh hotaa hai

Abdullah Nazir · Post by **Abdullah Nazir** » Mon May 29, 2006 7:20 pm

us jagah kaise kahooN Haal-e-gham-e-dil apnaa

baat karne se jahaaN per hou bhali khaamoushi.

Shaayer: Abdullah Nazir.

Nazir.