lafz par ash'aar #31---dil/jigar

Post by **Mayank** » Sun Sep 17, 2006 12:39 pm

dil se teree nigaah jigar tak utar gayee
donoN ko ik adaa meiN razaamand kar gayee
-Ghaalib

Post by **Daanish** » Mon Sep 18, 2006 2:36 am

'dil'

kadurat se dil apna paak rakh ai Shaad! peeri meiN
ke jis ko muNh dikhaana hai, yeh aaina usi ka hai--Shaad Azeemabadi

Abdullah Nazir · Post by **Abdullah Nazir** » Tue Sep 19, 2006 12:57 am

b]

jaan letaa hooN lab o lehjeh se dil kee Haalat

meri dunyaa se zamaane kee shinaasaayi hei.

Shaayer: Abdullah Nazir.

Nazir.
[/b]

Post by **Daanish** » Tue Sep 19, 2006 1:15 pm

beKhudi meiN chheD dijiye, naGhma_haa-e-saaz-e-dil
phir unhiiN maujoN pe Khud hi raqs-e-paiham kijiye
--Jigar

Abdullah Nazir · Post by **Abdullah Nazir** » Wed Sep 20, 2006 2:40 am

HeiN aarzooaoN ke diye raushan dil-e-barbaad meiN

jis din se chaahaa hei tujhe maiN ne mukarrar dekhnaa.

Shaayer: Abdullah Nazir.

Nazir.

praise · Post by **praise** » Thu Nov 23, 2006 11:51 am

har javaa.N dil mere afasaane ko doharaataa rahe
hashr tak Khatm na ho aisii kahaanii de de

hassan_bashir · Post by **hassan_bashir** » Wed Dec 06, 2006 10:06 am

ab kyaa bataauN maiN tere milane se kyaa milaa?
irfaan-e-Gham huaa mujhe dil kaa pataa milaa!!

Abdullah Nazir · Post by **Abdullah Nazir** » Fri Dec 15, 2006 12:35 pm

b]

TooT jaaye her zaraa see baat per wo dil nahiN

dekh lenaa maiN nahiN yaa saAiy-e-laaHaaSil nahiN.

Shaayer: Abdullah Nazir.

Nazir.
[/b]

hassan_bashir · Post by **hassan_bashir** » Thu Dec 21, 2006 8:24 am

us ki hasrat hai jise dil se miTaa bhii naa sakoooooN
dhuNDane us ko chalaa hooN jise paa bhi na sakooN

Post by **balvinder** » Mon Dec 25, 2006 10:50 am

''aazaad'' saaz-e-dil pe hain raksaa'n vo zam-zame
khud sun sakoo'n magar na kisee ko sunaa sakoo'n

jagannaath ''aazaad''

Abdullah Nazir · Post by **Abdullah Nazir** » Wed Jan 24, 2007 1:04 am

haaye oos mehrukh kaa bedardee se zaanoo peeTnaa

aur chillaanaa ke meraa dil hei bismil dekhiye.

Shayer: Abdullah Nazir.

Nazir.

Fri Feb 09, 2007 9:56 am

dil hee to hai nah sang-o-khisht dard se bh~ar nah aae kiyooN
roeeN ge ham hazaar bar koee hameeN rulae kiyooN?

Mirza Ghalib

Wed Feb 14, 2007 5:04 pm

Jigar meN dard ho to aaNkh~ se aaNsu Tapakte haiN
labalab bh~arne wale jaam hee akcar ch~alakte haiN.

Kaocar Ja'afari marHoom!

ummassad · Post by **ummassad** » Tue Jul 24, 2007 2:48 am

dil diya aaitibar ki hud thi.
jaan dedi yeh paiyer ki hud thi.

Post by **balvinder** » Thu Jul 26, 2007 2:37 pm

haay ! kyaa hasrat-kadaa thaa dil hamaara ai ''jaliil''
ho gayaa do roz meN aabaad bhii barbaad bhii

''jaliil'' manikpuri