Sher ke doosre misre ke pehle/aakhri alfaaz se sher kahiye!

Post by **Shummu** » Tue Sep 20, 2005 8:33 pm

Shola Tha Jal Bujha Hoon HawaayeiN Mujhe Na Do
Main Kab Ka Mar Chuka Hoon SadaayeiN Mujhay Na Do

maiN/Do

Abdullah Nazir · Post by **Abdullah Nazir** » Wed Sep 21, 2005 1:01 am

MaiN kahaaN aur kahaaN teraa haseeN taaj-maHal

dasht-e-ghurbat meiN mujhe khwaab dikhaataa kiyhuN hei.

dasht / hei

Nazir.

Abdullah Nazir · Post by **Abdullah Nazir** » Wed Sep 21, 2005 1:43 am

apni bataaoN ka tasalsul tou vaheen TooT gayaa

tuu ne jab mujh se kahaa piyaar bhii afsaanah hei.

(tuu / hei )

Nazir.

Abdullah Nazir · Post by **Abdullah Nazir** » Wed Sep 21, 2005 2:10 am

auraoN kaa kabhi zikr zubaaN per nahiN laanaa

ham ahl-e-muHabbat heiN wafaadaar rahenge.

(ham / rahenge )

Nazir.

hassan_bashir · Post by **hassan_bashir** » Wed Sep 21, 2005 12:38 pm

haiN aur bhee duniyaaN maiN sukhawar bohat ache
kehte haiN ke 'Ghalib' ka hai andaaz-e-bayaaN aur

kehte / aur

Abdullah Nazir · Post by **Abdullah Nazir** » Thu Sep 22, 2005 1:09 am

kehte rahe ham apni muHabbat kii daastaaN

deewaanagi meiN ham ko zamaane kaa Dar nah thaa.

(deewaanagi / tha)

Nazir.

Abdullah Nazir · Post by **Abdullah Nazir** » Thu Sep 22, 2005 1:44 am

[size-18]

khursheed sifat hei tou mire khaana-e-dil meiN

anvaar-e-muHabbat kii navaazish hei zaroori.

(anwaar / zaroori)

Nazir.
[/size]

Abdullah Nazir · Post by **Abdullah Nazir** » Sat Sep 24, 2005 1:09 pm

Shab-e-firaaq guzaari hei maiN ne rou roukar

tuu aaftaab kii maanind chup gayaa thaa kahiN.

tuu / kahiN

Nazir.

Abdullah Nazir · Post by **Abdullah Nazir** » Mon Sep 26, 2005 12:15 pm

ho nah ho tujhko miraa shauq-e-deed bhaa nah sakaa

warnah kyaa aur sabab hugaa khafaa houne kaa.

(warnah / kaa )

Nazir.

Abdullah Nazir · Post by **Abdullah Nazir** » Sun Oct 02, 2005 6:57 am

mujhko maAloom hei gulgasht ko niklouge magar

souchtaa hooN ke mulaaqaat ke din kyaa hugaa.

(souchtaa / hougaa)

Nazir.

Abdullah Nazir · Post by **Abdullah Nazir** » Sun Oct 02, 2005 4:07 pm

Dil-e-barbaad ne rakhkha nah kheeN ka mujhko

isko deewaanagiy-e-ishq kahuN yaa na kahooN.

( isko / kahooN )

Nazir.

Post by **Shummu** » Wed Oct 19, 2005 12:21 pm

Saba Hum Sey Poochti Phir Rahi Hai
Chaman Ko Sajaaney Kay Dinn Aa Rahey Hain

Poet: Faiz Ahmed Faiz

Chaman/hain

Abdullah Nazir · Post by **Abdullah Nazir** » Sat Oct 22, 2005 4:04 pm

MaiN tumko dikhaataa nahiN jalti houi aankheN

Kehti heiN yehi meri barasti houii aankheN.

kehti / aankheN

Nazir.

Abdullah Nazir · Post by **Abdullah Nazir** » Thu Oct 27, 2005 2:02 am

Hei kab se qadam-bousiy-e-jaanaaN ki tamannaa

nazdeek magar mujhko wo aane nahiN dete.

(nazdeek / dete)

Nazir.

Abdullah Nazir · Post by **Abdullah Nazir** » Wed Nov 02, 2005 7:05 pm

nazdeek mire chaand agar aaye tou poochooN

kiyuN guzri houi shab ko tujhe neend nah aayi.

( kiyuN / aayi )

Nazir.