sabaq_aamoz ash'aar likhiiye

Post by **Daanish** » Sun Aug 27, 2006 2:32 am

'sabaq amoz'

majaaz aur, Haqeeqat kuchh aur, hai ya'ni
tiri nigaah se tera bayaaN nahiN miltaa
--Faani Badaayuni

Post by **PK Swami** » Tue Aug 29, 2006 5:42 pm

fursat mile to poochh le umr.e rawaaN se ham
janaa kahaaN hai,aaye haiN aakhir kahaaN se ham !

PK Swami

Abdullah Nazir · Post by **Abdullah Nazir** » Wed Aug 30, 2006 12:42 am

"be-khaTar kood paRaa aatish-e-namrood meiN ishq

aql hei meHv-e-tamaashaay-e-lab-e-baam abhi".

Shaayer: Iqbal

Nazir.

Post by **Daanish** » Thu Sep 07, 2006 3:08 am

adam se jaanib-e-hasti talaash-e-yaar meiN aaye
talaash-e-gul meiN, hum kis vaadi-e-pur_Khaar meiN aaye
--Aatish

Post by **Daanish** » Sat Sep 09, 2006 2:07 am

sham'a ki taraH jiyeN bazmgah-e-a'alam meiN
Khud jaleN deedah-e-aGhyaar ko beena kar deN
--Iqbal

Post by **Daanish** » Sat Sep 09, 2006 5:22 am

'sabaq_amoz'

hum hu'e, tum hu'e, ke Meer hu'e
unki zulfoN ke sab aseer hu'e
--Meer

Post by **Daanish** » Sat Sep 09, 2006 5:27 am

Khauf sab jaata raha dil se azaab-e-hijr ka
naqd-e-jaaN dena, gunaah-e-ishq ka kaffaarah tha
--NaasiKh

Post by **PK Swami** » Sat Sep 09, 2006 5:13 pm

tujh pe ayaaN hai raaz.e dil, jaan ke bekhabhar na ban
maanee.e khamoshee samajh,soorat.e khamoshee na dekh!! - Anand Narain Mulla

PK Swami

Post by **Daanish** » Tue Sep 12, 2006 2:40 am

zameen-e-chaman gul khilaati hai kya kya
badaltaa hai rang aasmaaN kaise kaise
--Aatish

Post by **Daanish** » Fri Sep 15, 2006 2:54 am

sabaq amoz

mohaal thha koi hotaa yahaaN siwa tere
yeh kul jahaan hai, minnat_pazeer-e-kam nazari
--AsGhar

Post by **Daanish** » Sat Sep 16, 2006 2:24 am

'sabaq amoz'

ik qatrah-e-shabnam par Khursheed hai aks_aara
yeh neesti-o-hasti, afsaana hi afsaana
--Asghar

Abdullah Nazir · Post by **Abdullah Nazir** » Sat Sep 16, 2006 5:47 am

"BeHr o bar meiN nahiN kis ko havas-e-qaTA o bureed

naakhun-e-sher hei khanjar dum-e-maahi miqraaZ".

Shaayer: zauq.

Nazir.

ummassad · Post by **ummassad** » Wed Sep 27, 2006 2:50 pm

taheh main jo rehgaiye wo saduf nikaliye
tugyanioun ka haath samunder main daaliye

Post by **Daanish** » Sat Sep 30, 2006 2:42 am

faraaGhat se duniya meiN dam_bhar na baiThho
agar chaahte ho faraaGhat zyaadah
museebat ka ek ik se ahwaal kehnaa
museebat se hai yeh museebat zyaadah
--Haali

Abdullah Nazir · Post by **Abdullah Nazir** » Sat Oct 07, 2006 4:10 pm

"her musaafir se pooch letaa hooN

khaanah barbaad hooN ke khaanah-badoush"

Shaayer: Faani Badaunin

Nazir.

sabaq_aamoz ash'aar likhiiye

sabaq-aamouz

sabaq-aamouz

"hey"