Harf-e-"CHE" se ash'aar raqam kijiiye...plz.

ummassad · Post by **ummassad** » Wed May 24, 2006 11:41 pm

cahata houn kh bhoul jaoun tumhain
aour khud bhi nh yaad aayoun tumhain

Abdullah Nazir · Post by **Abdullah Nazir** » Sun Jun 04, 2006 7:17 am

chaahooN agar bahaar tou HaaSil khazaaN mujhe

taufeeq-e-ikhtiyaar chaman meiN kahaaN mujhe.

Shaayer: Abdullah Nazir.

Nazir.

ummassad · Post by **ummassad** » Sun Aug 06, 2006 4:34 am

chand kaliyan nishat ki chun ker mudatoun mahooe yaas rahta houn
tera milna khushi ki baat sahee tujh se milkey uddas rehtaa houn

ummassad · Post by **ummassad** » Thu Aug 17, 2006 8:28 pm

chman main lala dikhata phirta hy daag apna kali kali ko

yeh janta hy kh is dikhawey se dil jaloun main shumar hoga.

Post by **Daanish** » Tue Aug 22, 2006 5:16 am

'che'

chhoRHa na rashk ne, ke tira ghar ka naam luN
har ik se poochhta hun, ke jaaoN kidhar ko maiN?--Ghalib

Post by **Daanish** » Tue Aug 22, 2006 5:21 am

'che'

chalta huN thhoRHi door, har ik tez_rau ke saath
pehchaanta nahiN huN, abhi raahbar ko maiN--Ghalib

Post by **PK Swami** » Thu Aug 24, 2006 5:17 pm

chamanzaar.e muhabbat meiN khamoshee maut hai bulbul
yahaaN kee zindgee paabandi.e rasm.e fughaaN tak hai !

Iqbaal

PK Swami

hassan_bashir · Post by **hassan_bashir** » Tue Nov 28, 2006 10:32 am

Chamak tujh se paate haiN sab paane vaale
mira dil bhi Chamkaa de Chamkaane vaale

~ Aala Hazrat ~

Abdullah Nazir · Post by **Abdullah Nazir** » Mon Dec 18, 2006 8:19 pm

chale the dar peh tire ArZ-e-Haalkarne ko

qadam qadam peh magar theeN hazaar deewaareN.

Shaayer: Abdullaj Nazir

Nazir.

hassan_bashir · Post by **hassan_bashir** » Mon Dec 18, 2006 8:22 pm

chaman kii bahaaroN meiN thaa aashiyaanaa,
na jaane kahaaN kho gayaa vo zamaanaa!!

Post by **balvinder** » Mon Dec 25, 2006 11:22 am

chaman mein yo'n to kahne ko bahut hain aashiyaa'n lekin
giregee jis pe kal bijalee vo meraa aashiyaa'n hogaa

nooh naarvi

hassan_bashir · Post by **hassan_bashir** » Mon Dec 25, 2006 11:59 am

chaman meiN subHa ye kahatii thii ho kar chashm-e-tar shabanam,
bahaaaaar-e-baaaaaGh to yuuN hii rahii lekin kidhar shabanam?!!

Post by **balvinder** » Mon Dec 25, 2006 12:45 pm

chaaraagar ek nayaa rog huaa jaataa hai
iss marz kee bhee kitaabo'n mein davaa hai ki nahee'n

Abdullah Nazir · Post by **Abdullah Nazir** » Tue Dec 26, 2006 2:10 am

cheeN ba-jabeeN houne se kyaa faayidah

sab se muHabbat se milaa keejiye.

Shaayer: Abdullah Nazir.

Nazir.

ummassad · Post by **ummassad** » Fri May 04, 2007 3:15 am

chori khuda se jub nahin bandoun se kisliye.
chupney main kuch maza nahin subko dikha ke pee.