bazm kay sabhi ahbaab ko aadab
kaafi arsay baad bazm maiN haazir ho raha hoN ek ghazal pesh-e khidmat hay
ummeed hay apni aara say sarfraaz karengay
GHAZAL
kashmakash maiN uoN mubtilaa hon maiN
RooBaroo tum ho aaina hoN maiN
Meri aankhoN maiN jo samaa jaeyN
Sirf vo khuaab dekhta hoN maiN
DostoN ko meray shikayet hay
JhooTi baatoN pay bolta hoN maiN
Tum mujhay aazma kay to dekho
ToTay khuaaboN ko joRta hoN maiN
aaj bachchoN kay saath melay maiN
apnay bachpan ko DhonDta hon maiN
koshisheyN to bhut maiN karta hoN
kia karooN aur , kia khudaa hoN maiN ?
oss say kaehdo sadaa na day mujh ko
ab bhut door aa gayaa hoN maiN
ay meray humsafar too kia janay
kis museebat main mubtilaa hon maiN
ek ghazal
Moderator: Muzaffar Ahmad Muzaffar