Lafz par Ashaar#11--"ISHQ "

Post by **najma** » Mon Jun 13, 2005 12:13 am

qaazii hazar tarha ke jhagRoN meiN aasakaa
lekin na husn-o-ishq ka qissa chuka saka
soz

Post by **najma** » Mon Jun 13, 2005 1:00 am

aashiqii wo rog hay jis meiN keh ho jaatii hay yaas
achay hote kam sunaa hay meer is aazaar ko
meer

Abdullah Nazir · Post by **Abdullah Nazir** » Tue Jun 14, 2005 2:52 am

Dil ishq meiN doobaa hei per baat nahiN bantii

maiN usko hansaataa hooN wo mujhko rulaati hei.

Nazir.

Post by **syed bilal armaan** » Tue Jun 14, 2005 8:23 am

naya unwan 17 june 2005 ko diya jaye ga...[-BILAL]
ham koii tark-e-wafa karte haiN
na sahee ishq museebat hi sahee

Post by **syed bilal armaan** » Tue Jun 14, 2005 8:32 am

naam hai, ishq meiN zindagii na dekh
jalwa-e-aaftaab ban, zarre meiN roshnii na dekh

Post by **syed bilal armaan** » Tue Jun 14, 2005 8:33 am

ISHQ Kartey Hain Sabhi Fark Sirf Itna Hai
Koi Khamosh Rahey Koi Bata Deta Hai

Post by **najma** » Tue Jun 14, 2005 12:00 pm

ishq mujhko nahieN, wehshat hii sahii
merii wehshat, terii shohrat hii sahii

Post by **najma** » Tue Jun 14, 2005 7:27 pm

KAAM THAY ISHQ MEIN BOHAT, PAR, MEER!

HAM HO FAARIGH HUEY SHITAABII SE
MEER

Post by **najma** » Wed Jun 15, 2005 11:26 am

sara_j wrote:Allama ka aek shair farsi mien:

Az muhabbat ishta-aal-i joharash, irtaqa-i mumkinaat-i muzmirash
From love proceed the radiance of its being, and the development of its unknown possibilities.

Fitrat-i oo aatish andozad zi ishq. Alam afrozi beyamozad zi ishq
Its nature gathers fire from love. Love instructs it to illumine the world.

aashiq hay yaa mareez hay, poocho to meer se
paataa hooN zard roz-ba-roz us jawaaN ko maiN
meer

Post by **syed bilal armaan** » Wed Jun 15, 2005 12:01 pm

dil ke her khail maiN hota hai bohat jaaN ka zyaaN
Ishq ko Ishq samajh mashghala-e-dil naa bana

Note: naya unwan 17 june ko diya jaye gaa.[-BILAL]

Post by **syed bilal armaan** » Wed Jun 15, 2005 12:14 pm

Note: naya unwan 17 june ko diya jaye gaa.[-BILAL]
tum ko jaana tha ISHQ ke qaabil
wo ye aHsaaN hameN jataaiN ge

Post by **najma** » Wed Jun 15, 2005 12:58 pm

phir bhi karte haiN meer sahib ishq
haiN jawaaN, ikhtiyaar rakhte haiN
meer

Post by **khurram_shaikh** » Wed Jun 15, 2005 6:12 pm

Assalaam o alekum,

ishq ke shole ko bha.Dakaao ke kuchh raat kaTe
dil ke a.ngaar ko dahakaao ke kuchh raat kaTe

hijr me.n milane shab-e-maah ke Gam aaye hai.n
chaaraasaazo.n ko bhii bulavaao ke kuchh raat kaTe

Post by **najma** » Wed Jun 15, 2005 8:35 pm

suno, aiy ishq meiN tauqeer-e-hastii DhoonDnay walo!
ye wo manzil hay, jis manzil pe insaaN laR-khaRaate haiN
saGhar

Post by **najma** » Thu Jun 16, 2005 8:20 am

husn be-qaid sahii ishq bhi mehdood nahi

mujhko paayenge jahaan tak voh numayaan hounge