قارئین کرام سات سال پرانے کلام کے ساتھ خیال کا آداب تھوڑی سی ترمیم کے ساتھ پیشِ خدمت ہے امید ہے پسند آئے گا ۔ اپنی آرا سےنوازیے شکریہ
عرضِ خدمت ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غیر کے ہاتھ میں ڈوری کو تھمایا جائے
ہم ہیں کٹھ پتلی ہمیں خوب نچایا جائے
ہم پہ دشمن کو ملے غلبہ یہ نا ممکن ہے
ہم کو مغلوب بھی اپنوں سے کرایا جائے
بن کے دیمک ہمیں اپنوں نے اگر چاٹ لیا
کیوں کسی غیر پہ انگلی کو اٹھایا جائے
تم نے جو وعدے کیے ہم سے نہیں پورے کیے
پھرہمیں کوئی نیا خواب دکھایا جائے
ہم پہ رونے کے لئے کل نہیں ہو گا کوئی
اپنے ماتم پہ ہمیں آج رلایا جائے
ہم کو رہبر نے ہے منزل پہ پہنچ کر لوٹا
اب یہ الزام نہ رہزن پہ لگایا جائے
اپنے چہرےکوبناوٹ سے مزیّن کر کے
اپنے کردار کو لوگوں سے چھپایا جائے
تم خیالؔ آج تو اُس نہج پہ آپہنچے ہو
تم سے دامن یہ سرِدست چھڑایا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ