ہماری قربانیوں کا قصّوں کا کیا بنے گا

[ismail ajaz]

یہ کلام ۲۲ ستمبر ۲۰۲۴ میں لکھا گیا تھا
قارئین کرام ایک تازہ کلام پیشِ خدمت ہے امید ہے پسند آئے گا
عرض کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمارے مابین قسموں وعدوں کا کیا بنے گا
وہ عہدو پیماں وہ سب ارادوں کا کیا بنے گا

زمانے بھر میں تمہارے بارے میں گفتگو ہے
ہماری قربانیوں کا قصّوں کا کیا بنے گا

تم اس طرح سے تو پھیر کر منہ نہ جاؤ ہم سے
تمہاری اس بےرخی سے اپنوں کا کیا بنے گا

ستارے ہم توڑ کر فلک سے زمیں پہ لائیں
زمین پر مسکراتے پھولوں کا کیا بنے گا

ہر ایک ذی روح اس جہاں میں ہے نامکمل
تمہی بتاؤ تمہارے سپنوں کا کیا بنے گا

غَرَض کو لے کر ہم ایک دوجے سے مل تو لیں گے
بدون الفت پھر ایسے رشتوں کا کیا بنے گا

فدا ہوئے ہم جو مسکرا کر کہیں کسی پر
تمہاری نفرت تمہاری باتوں کا کیا بنے گا

خدا کے گھر میں بھی تم بتوں کو پکارتے ہو
تمہاری توحید اور سجدوں کا کیا بنے گا

خیالؔ مطلب پرست دنیا میں جی رہے ہو
تمہارے کردار اور جذبوں کا کیا بنے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کی توجہ کا طلبگار
اسماعیل اعجاز خیالؔ