Harf-e-"BE" se ash'aar raqam kijiiye...shukria

Post by **najma** » Wed May 04, 2005 7:42 pm

ek duaiyyah she,r

baazoo-e-haidarki quwwqt de hameN
deen aur dunya ki izzat de hameN

Post by **Hashmat Usmani** » Thu May 05, 2005 2:09 am

badan meN aag sii, chehraa gulaab jaisaaa hai
k zahr-e-Gham kaa nashaa bhii sharaab jaisaa hai

AHmad Faraaz

Post by **najma** » Thu May 05, 2005 8:46 am

baaGhbaaN ka ye taqazah hay keh ab gulshan meiN
baad-e-sar sar bhi chale, naam sabaa ka rkhna
bakhsh

Post by **Mahtab Qadr** » Fri May 06, 2005 12:35 am

bekhudi be sabab nahi ghalib
kuch to hai jis ki parda dari hai
(Ghalib)

Post by **najma** » Fri May 06, 2005 1:33 am

bakhsh! kaun paRhta hay terii sach,chii tehreereN
jo qalam ne lik,kha hay. kaaGhazoN ne dekha hay
bakhsh

Abdullah Nazir · Post by **Abdullah Nazir** » Fri May 06, 2005 6:50 am

beHr-e-hastii meiN uThaa aaj wo ToofaaN taubah

shoomiy-e-bakht hei phir ishq kaa unwaaN taubah.

Nazir.

Post by **najma** » Fri May 06, 2005 10:31 am

bikte haiN har dukaan pe bomb-o-kalaagh-o-zaagh
yusuf paRe haiN husn ke bazaar se pare
bakhsh

Abdullah Nazir · Post by **Abdullah Nazir** » Fri May 06, 2005 7:25 pm

benyaazi tiri fiTrat meiN hei lekin zaalim

itnaa anjaan hei kiyooN, behr-e-khudaa khul mujh se.

Aapka Mukhlis,
Nazir.

Post by **najma** » Fri May 06, 2005 7:57 pm

butt-garii aaam hueee ehd-e-khirad meiN itnii
ek patthar bhi mujhe but-shikanii ko na mila

Abdullah Nazir · Post by **Abdullah Nazir** » Fri May 06, 2005 11:14 pm

bakhere, chaahe zamaanah hazaar baar mujhe

maiN tere gaisoo ke maanind hooN sanwaar mujhe.

Nazir.

Post by **najma** » Fri May 06, 2005 11:33 pm

baaqi nasha naheeN hay ab bada kuhan meiN
eejaad karni hogii phir dosto! mai-e-nau
khawar qureshi

Abdullah Nazir · Post by **Abdullah Nazir** » Fri May 06, 2005 11:43 pm

ba'd-e-muddat jo moyassar houii ik piyaar kii raat

aaou lag jaaou gale aagaii iqraar kii raat.

Nazir.

Post by **najma** » Fri May 06, 2005 11:47 pm

ba-zaahir shaan-o-shaukat se khaRe haiN
sab andar se magar TooTe paRe haiN
bakhsh

Abdullah Nazir · Post by **Abdullah Nazir** » Fri May 06, 2005 11:56 pm

baanTkar farHat o gham jeete heiN jeene waale

heich hei daulat o zar, saath na degaa koii.

Nazir.

Post by **najma** » Sat May 07, 2005 12:07 am

baa,d muddat ke khile daaman-e-ummeed ke phool
der ke baa,d baharoN pe nikhaar aayaa hay
nafis ahmad siddiqui