Shair ka jawab shair main dejeye

Post by **najma** » Thu Apr 28, 2005 8:26 pm

faryaad jo karte haiN to kaT,tii haiN zabaaneN
kis aas pe ham adl ki zanjeer hilaeiN
najma

Post by **Hashmat Usmani** » Thu Apr 28, 2005 8:48 pm

ek TuuTii huii zanjiir kii fariyaad haiN ham
aur duniyaa ye samajhtii hai k aazaad haiN ham

Me'raaj Faizabadi

Post by **najma** » Thu Apr 28, 2005 10:31 pm

zanjeer ba-paa kar ke sayyaad ne choRa hay
ye kesiiaseerii hay, ye kesii hay aazaadii
najma

Abdullah Nazir · Post by **Abdullah Nazir** » Thu Apr 28, 2005 11:22 pm

paa ba-zanjeer sahii raqs tou karletaa hooN

khauf kis baat kaa sayyaad dilaataa hei mujhe.

Nazir. ..............................

Post by **najma** » Fri Apr 29, 2005 12:00 am

apne haathoN se nasheeman ko jala dete haiN
hausla seekhe koee khanmaaN-barbaadoN se
nafis ahmad siddiqui

Post by **Hashmat Usmani** » Fri Apr 29, 2005 12:49 am

jis ko dekho vohii zanjiir-ba-paa lagtaa hai
shahr kaa shahr huaa daaKhil-e-zindaaN jaanaaN

AHmad Faraaz

Post by **najma** » Fri Apr 29, 2005 12:54 am

us adalat ke kaTehre meiN khaRe haiN ham, jahaaN
nutq-e-goyaaee tarastaa hay bayanoN ke liye

Post by **Hashmat Usmani** » Fri Apr 29, 2005 1:20 am

nahiiN minnat_kash-e-daam-e-shuniidan daastaaN merii
Khamoshii guftugu hai, be_zubaanii hai zubaaN merii

'allaamah Iqbaal

Post by **najma** » Fri Apr 29, 2005 1:54 am

poocha kisi ne jab mirii barbaadiyoN ka haal
kya kya khayaal zehn se mere guzar gaey
nafis ahmad siddiqui

Post by **Hashmat Usmani** » Fri Apr 29, 2005 2:00 am

miT gayaa jab miTane_waalaa, phir salaam aayaa to kyaa!
dil kii barbaadii ke ba'd uNkaa payaam aayaa to kyaa

Dil Shaahjahaanpurii

Post by **najma** » Fri Apr 29, 2005 2:03 am

mit gaey ishq ki anaa ke liye
jaan dii ek be-wafa ke liye
nafis ahmad siddiqui

Aanchal · Post by **Aanchal** » Fri Apr 29, 2005 1:26 pm

sitaroun say agay jahaan or bhi hain
abhi ishq kay imtehan or bhi hain

Post by **najma** » Fri Apr 29, 2005 1:43 pm

aazmaaish ke liye saw jaan se haazir thii maiN

aap to bas mera dil hii aazmaa kar reh gaey

najma

Post by **Hashmat Usmani** » Sun May 01, 2005 1:03 am

yehii hai aazmaanaa to sataanaa kisko kahte haiN
'aduu ke ho liye jab tum to meraa imtiHaaN kyoN ho

chacha

Post by **najma** » Sun May 01, 2005 1:07 am

adoo ke taa,ne to sir pe uTha ke rakhte ho
hamari baat bhi tum pe giraaN guzartii hay
najma