Lafz par Ashaar#7--" MAUSAM"

Post by **Hashmat Usmani** » Sat Apr 30, 2005 12:31 pm

meraa ek pal aaj kal ek sadii hai
kahaaN vo mausam suhaane_suhaane

Ibraaheem "Ashk"

Post by **Hashmat Usmani** » Sat Apr 30, 2005 12:50 pm

ham rahe bhii to badalate hue mausam kii tarah
terii aa.Nkho.n me.n ko_ii aks na Thaharaa apanaa

Musavvir Sabzwarii

Post by **Hashmat Usmani** » Sat Apr 30, 2005 1:13 pm

salaam dosto,

mera Khayaal hai ki ab lafz-e-"MAUSAM" par ash'aar raqam karne kaa waqt aa pahoNchaa hai...aapkii kiaa raaye hai?

Bilal Armaan saaHib aap tashreef laaiye aur is masale par Ghaur o fikr kijiiye. shukria.

Post by **najma** » Sat Apr 30, 2005 2:06 pm

pehle ye soch lena mausim hay barishoN ka
bahar qadam na rakhna tum is andherii shab meiN
khawar qureshi

Post by **Hashmat Usmani** » Sat Apr 30, 2005 3:29 pm

ham rahe bhii to badalte huye mausam kii taraH
terii aaNkhoN meN koii 'aks na Thahraa apnaa

Musavvir Sabzwarii

Post by **najma** » Sat Apr 30, 2005 5:14 pm

kis raah me hay mausim-e-gul, dhoond ke laaao
zakhmoN se mire hogii mudaaraat kahaaN tak
najma

Post by **Hashmat Usmani** » Sat Apr 30, 2005 7:04 pm

mausam kahaaN maantaa hai tahziib kii bandishoN ko
jismoN se baahar nikal ke aNgRaaiyaaN boltii haiN

Nidaa Faazlii

Post by **najma** » Sat Apr 30, 2005 7:16 pm

beeta deed ummeed ka mausim, Khaak uRti hai aaNkhoN meiN
kab bhejo ge dard ka baadal, kab barkha barsaao ge?

Post by **Hashmat Usmani** » Sat Apr 30, 2005 7:27 pm

ham vahii, tum bhii vahii, mausam vahii, manzar vahii
faaslaa baRh jaayegaa itnaa kabhii sochaa na thaa

Ameer Qazalbaash

Post by **najma** » Sat Apr 30, 2005 7:31 pm

mausim kahaaN maantaa hai tahaziib kii bandhishon ko
jismon se baahar nikal ke angaDaa_iyaaN boltii hain

Post by **Hashmat Usmani** » Sun May 01, 2005 12:57 am

jitne mausam haiN sab jaise kahiiN mil jaayeN
in dinoN kaise bataauuN jo fazaa hai mujh meN

Krishn Bihaarii "Noor"

Post by **najma** » Sun May 01, 2005 1:02 am

kis raah me hay mausim-e-gul, dhoond ke laaao
zakhmoN se mire hogii mudaaraat kahaaN tak
najma

Post by **Hashmat Usmani** » Sun May 01, 2005 2:21 am

ab ke to Khizaa.N aisii Thaharii vo saare zamaane bhuul gaye
jab mausam -e-gul har phere me.n aa aa ke dubaaraa guzare thaa

Faiz AHmad "Faiz"

Post by **najma** » Sun May 01, 2005 2:23 am

pehle ye soch lena mausim hay barishoN ka
bahar qadam na rakhna tum is andherii shab meiN
khawar qureshi

Post by **Hashmat Usmani** » Sun May 01, 2005 2:27 am

'ajab taraH kaa hai mausam k Khaak uRtii hai
vo din bhii the k khile the gulaab aaNkhoN meN

IftiKhaar 'Aarif