• Sher ke doosre misre ke pehle/aakhri alfaaz se sher kahiye!

Posted: **Sun Mar 27, 2005 7:44 am**

Khaamosh tum bhii the aur Khaamosh maiN bhii thaa
phir vo kaun thaa jo itnii der boltaa rahaa

phir/rahaa

Posted: **Sun Mar 27, 2005 7:55 am**

Phir aaj chiRgaieeN tasveer-e-yaar kii baateN

sunaaooN kis ko dil-e-beqaraar kii baateN

(sunaaooN / baateN)

Nazir.

Posted: **Mon Mar 28, 2005 1:01 pm**

Ham ko apne dil pah ab qaaboo nahiN

phool kii khushboo nahiN aur tuu nahiN

(phool / nahiN)

Nazir.

Posted: **Tue Mar 29, 2005 2:31 am**

nahiiN minnat_kash-e-daam-e-shuniidan daastaaN merii
Khamoshii guftugu hai, be_zubaanii hai zubaaN merii

'allaamah Iqbaal

Khamoshii/Khaamoshii/Khaamshii / merii

Posted: **Tue Mar 29, 2005 5:52 am**

kia kia na sahe ham ne sitam, aapkii Khaatir!
yeh jaan bhii jaaayegii, sanam, aapkii Khaatir

yeh/Khaatir

Posted: **Tue Mar 29, 2005 5:26 pm**

Tum ne tou Taal diyaa bataoN hii baataoN meiN mujhe

chain kii neend moyassar nahiN raataoN meiN mujhe

(chaiN / mujhe)

Nazir.

Posted: **Wed Mar 30, 2005 5:23 am**

muje ab dekh kar abr-e-shafaq_aaloodah, yaad aayaa
ki furqat meN tiri, aatish parastii thii gulsitaaN par

ki/par

Posted: **Wed Mar 30, 2005 5:56 am**

haiN aur bhii dunyaa meN suKhan_war bahot achchhe
kahte haiN ki "Ghaalib" kaa hai andaaz-e-bayaaN aur

kahte/aur

Posted: **Wed Mar 30, 2005 7:43 am**

kehte ho na deN ge ham, dil agar paRaa paaya
dil kahaaN ke gum keeje, ham ne muda'aa paaya

dil / paaya

Posted: **Wed Mar 30, 2005 8:41 am**

dil dhaRaktaa rahaa, ummeed-e-mulaaqaat rahi

shaam-e-hijraaN thaa Ajab Haal saHar houne tak

(shaam / tak)

Nazir.

Posted: **Thu Mar 31, 2005 12:07 pm**

Hai mujhe pe taa'na zan khud mera aHsaas
tamanna apni qeemat kho rahi hai

khusha ye tarz-e-taa'zeem-e-moHabbat
ye taa'zeem-e-moHabbat ho rahi hai

gham-e-furqat ka shikva karne vaali
meri maujoodgi meiN so rahi hai

meri / hai

Posted: **Thu Mar 31, 2005 4:51 pm**

Meri her baat ko baataoN meiN uRaadete hou

kin gunaahaoN kii khudaa jaane sazaa dete hou

(kin / hou)

Nazir.

Posted: **Fri Apr 01, 2005 12:14 pm**

ho gayee phir kisi khayaal meiN gum
tum miree aadateN na apnaao

jaun eliya

tum / apnaao

Posted: **Sat Apr 02, 2005 2:35 pm**

ab tak heiN khush naseeb jo baaham heiN dousto

dunyaa meiN purkhuloos bahut kam heiN dousto

(dunyaa / dousto)

Nazir.

Posted: **Sun Apr 03, 2005 4:20 am**

dunyaa kii maHfiloN se uktaa gayaa huuN, yaa Rabb!
kia lutf anjuman kaa? jab dil hii bujh gayaa ho!

kia/ho

Sher ke doosre misre ke pehle/aakhri alfaaz se sher kahiye!

"phir"

"ham"

"tum"

"dil"

"merii"

"ab"