SAWALIYAH ASH,AAR========

ummassad · Post by **ummassad** » Sun Feb 19, 2006 10:32 pm

naale bulbul ke sunoun aor hamatun goosh rahoon
humnawa main bhi koi gul houn ki khamoosh rahoon

Abdullah Nazir · Post by **Abdullah Nazir** » Mon Feb 20, 2006 3:15 am

ishrat-e-saaya-e-gul yaad dilaate kiyuN hou

khwaab meiN aate hou kiyuN neend uRaate kiyuN hou.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Tue Feb 21, 2006 12:11 pm

kiyuN maangte hou mujh se tabassum ik jhalak

kyaa reh gayaa TabeeAat-e-aashuftah-Haal meiN.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Wed Feb 22, 2006 1:46 am

sitamgar teghzun pehchaan legaa apne :Nazir: ko

bhalaa kaise rahegi sakht jaani aankh se aujhal?

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Wed Feb 22, 2006 2:14 am

kyaa wo be-dard hei jo dil se nikaalegaa mujhe

yeh agar sach hei tou phir kaun sanbhaalegaa mujhe.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Wed Feb 22, 2006 3:56 am

falak per chaand ke maanand tum kiyuN doo hou mujh se

chale aaou keh saavan ki ghaTaa kuch aur kehti hei.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Thu Feb 23, 2006 8:50 pm

kitnaa naadaan hooN kaisi hei yeh Hasrat meri

paabajaulaaN rahooN aur paauN meiN zanjeer nah hou.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Mon Feb 27, 2006 12:06 am

meri her baat ko baataoN meiN uRaadete hou

kin gunaahaoN ki khudaa jaane sazaa dete hou.

Shaayer: Abdullah Nazir.

Nazir.

ummassad · Post by **ummassad** » Mon Feb 27, 2006 2:55 am

hum hain mushtaq aor vo bezaar
ya ilahi yh magira kya hy?

Abdullah Nazir · Post by **Abdullah Nazir** » Mon Feb 27, 2006 7:32 pm

zindagi bhar kii tag o dau kaa nateejah kyaa houaa

chund tinke bhi nahiN heiN aashyaane ke liye.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Fri Mar 03, 2006 1:16 am

umr bhar ulfat-e-baaham kii qasam TooT gayi

kyaa houaa tujhko tiri baat ne badli karvaT?.

Shaayer: Abdullah Nazir.

Nazir.

ummassad · Post by **ummassad** » Fri Mar 03, 2006 4:26 pm

jamma kerte ho kyun raqiboun ko
ak tamasha hua gila na hua

Abdullah Nazir · Post by **Abdullah Nazir** » Fri Mar 03, 2006 4:49 pm

shamA kiyuN shoAla-e-jaankaah se ghabraati hei

maiN isi aag meiN jal jal ke tou parvaanah banaa.

shayer: Abdullah Nazir.

Nazir.

ummassad · Post by **ummassad** » Sun Mar 05, 2006 7:04 pm

tumhare pyami ne sub raaz khoola

khata isme bande ki sirkar ky thy?

Abdullah Nazir · Post by **Abdullah Nazir** » Sun Mar 05, 2006 7:24 pm

mubtalaay-e-ranj o gham ke rouz o shab kaa zikr kyaa

be iraadah shehr-e-naapursaaN meiN aakar dekhiye.

Shaayer: Abdullah Nazir.

Nazir.