riwayati 'bait-baazi'

Post by **balvinder** » Thu Dec 28, 2006 9:51 am

tere aage kahte hain gul kholkar vaazuoo-e-barg
gulshan-e-aalam se hain tayyaar, urh jaane ko ham

Abdullah Nazir · Post by **Abdullah Nazir** » Sat Dec 30, 2006 6:10 pm

MaiN gurezaaN nahiN izhaar-e-Haqeeqat se magar

Darrahaa hooN keh nah houjaaye pashemaaN koiee.

Shaayer: Abdullah Nazir.

Nazir.
[/color[

Abdullah Nazir · Post by **Abdullah Nazir** » Wed Jan 03, 2007 5:03 am

yaad aajaate heiN jab waAda o paimaaN tere

ungliyaaN DhoonDti heiN gaisoo-e-paichaaN tere. .

Shaayer: Abdullah Nazir.

"ye"

Nazir.

ROSE · Post by **ROSE** » Fri Jan 05, 2007 6:56 am

ye khamoshee hai habs ka baa'is
anjuman mein dur-e-sukhan kholo

NEXT bolo--------------------

Abdullah Nazir · Post by **Abdullah Nazir** » Sat Jan 06, 2007 6:10 am

Wo meraa ZabT-e-shauq-e-dil wo uskaa moNh chupaalenaa

bhulaadooN kis TaraH se Hasrat-e-deedaar kee baateN.

"noon"

Nazir.

Zee · Post by **Zee** » Sat Jan 06, 2007 3:33 pm

voh mera saamne aane se ghabrana voh sharmana
voh tera shauq se parday ko waa kardena mehfil mein

Abdullah Nazir · Post by **Abdullah Nazir** » Sun Jan 07, 2007 2:05 am

naazish-e-khud-aagahi hou yaa ghuroor-e-Husn hou

yuN bhee kyaa miltaa hei koyee bhool jaane ke liye.

"ye"

Shaayer: Abdullah Nazir.

Nazir.

Zee · Post by **Zee** » Sun Jan 07, 2007 2:15 am

yeh meri zulf ke saaye suhnere
tere shaane pe uljhay hain bikhre

Abdullah Nazir · Post by **Abdullah Nazir** » Sun Jan 07, 2007 2:31 am

yeh bhee kyaa kam hei keh hooN Aihd-e-wafaa per aayim

LuT gayaa hei tou balaa se sar o saamaaN apnaa.

"alif"

Shaayer: Abdullah Nazir.

Nazir.

Zee · Post by **Zee** » Sun Jan 07, 2007 2:42 am

ajee rehne do chhoro jaane bhi do
karo bas pyar ki baaten tum hamse

Abdullah Nazir · Post by **Abdullah Nazir** » Sun Jan 07, 2007 2:53 am

nah dunyaa nah amwaal o zar chaahiye

tumhaare karam kee nazar chaahiye.

"ye"

Shaayer: Abdullah Nazir.

Nazir.

Zee · Post by **Zee** » Sun Jan 07, 2007 2:55 am

yehi dilki sadaa hai
ke tu ho paas mere

Abdullah Nazir · Post by **Abdullah Nazir** » Sun Jan 07, 2007 3:04 am

yeh bhee mumkin hei ke tum paas bulaalo mujhko

dil meiN hei pyaar tou seene se lagaalo mujhko.

"wawo"

Shaayer: Abdullah Nazir.

Nazir.

Zee · Post by **Zee** » Sun Jan 07, 2007 3:07 am

vohi din yaad aate hain ab mujko
pehle pehel jab ham milay they

Post by **ahm4me** » Wed Jan 10, 2007 11:34 am

yaadoN ki jaReN phooT hi paRti haiN kaheeN se
dil sookh bhi jata hay to banjar naheeN hota