lafz "NAZAR/NIGHAA" par ashar

Post by **Hashmat Usmani** » Sun May 15, 2005 12:34 am

nazar fareb-e-qazaa khaa gaii to kia hogaa?
Hayaat maut se Takraa gaii to kia hogaa?

Ai'Hsaan Daanish

Post by **najma** » Sun May 15, 2005 1:07 am

jo intizar-e-sahar meiN ujaR gaee aiy dost!
ab us nigaah meiN koee to khaab aeyga

Post by **Hashmat Usmani** » Sun May 15, 2005 4:19 am

nigaah e naaz kii kaifiiyateN haiN dil meN vohii
ki rooH tan meN ho, sheesha meN jis taraH ho parii

AsGhar GoNDvii

Post by **najma** » Sun May 15, 2005 10:41 am

nigaar-e-fikrpe rang-e-shabaab aaiga
dil-o-nigaah meiN ik inqilaab aeyga

bakhsh

Post by **najma** » Sun May 15, 2005 2:11 pm

poocha kisi ne jab miri barbaadiyoN ka haal
kitne khayaal meri nazar se guzar gaey
najma

Post by **najma** » Sun May 15, 2005 2:12 pm

poocha kisi ne jab miri barbaadiyoN ka haal
kuch dostoN ke naam nazar se guzar gaey
najma

Post by **Hashmat Usmani** » Mon May 16, 2005 1:37 am

nigaah-e-saaqii-e-naa_mahr_baaN yeh kia jaane
k TuuT jaate haiN Khud dil ke saath paimaane

MajrooH Sultanpuri

Post by **najma** » Mon May 16, 2005 3:03 am

pehle to apne dil ki raza jan jaeiyye
phir jo nigaah-e-yar kahay, maan jaiyye

Post by **Hashmat Usmani** » Mon May 16, 2005 4:58 am

nazar milaa na sake us se us nigaah ke ba'd
vohii hai Haal hamaaraa jo ho gunaah ke ba'd

Krishn Bihaarii "Noor"

Post by **najma** » Mon May 16, 2005 9:22 am

har-ek manzar-e-khooN-rang thaa nigahoN meiN
zabaaN khulii thii magar ham bayaan de na sake
bakhsh

Post by **Hashmat Usmani** » Mon May 16, 2005 11:54 pm

nazar nazar se milaa kar sharaab piite haiN
ham unko paas biThaa kar sharaab piite haiN

Tasneem Faarooquii

Abdullah Nazir · Post by **Abdullah Nazir** » Tue May 17, 2005 2:56 am

jitne ausaaf ginooN kam heiN vazaahat ke liye

Husn hei daayira-e-fikr o nazar se baahar.

Nazir.

Post by **syed bilal armaan** » Tue May 17, 2005 10:02 am

naya unwan 20 may 2005 ko diya jaye ga. (-BILAL)

teri nazroN maiN mere dard ki qeemat kya thi
mere daaman ne to AaNsoo ko guhar jana hai..

Post by **najma** » Tue May 17, 2005 8:17 pm

ya rab! nigaah-e-shauq hi kya kam azaab thii
dunya bhi dedii rooh ke aazaar ke liye
nafis ahmad siddiqui

Post by **Hashmat Usmani** » Wed May 18, 2005 4:28 am

nazar se justujuu be_kaar niklii
Khud apne aap se do-chaar niklii

Shan ul Haque "Haqqi"