Lafz par Ashaar#10--"ARZOO "

Post by **najma** » Mon May 23, 2005 10:12 pm

kabhi kabhi aarzoo k sehra men aa k ruktay hain qaaflay se
woh saari baatien lagao ki si woh sarey unwan wisal k se

Post by **zmufti** » Tue May 24, 2005 4:13 am

aarzoo ko khoon rulwati hai bedaad-e-ajal
marta hai teer taareeki meiN sayad-e-ajal

Post by **najma** » Tue May 24, 2005 4:22 am

aarzoo hay, saamne tujhko biThaa kar dekh leiN
apni dunyaa, teri dunya par luTaa kar dekh leiN
najma

Post by **Hashmat Usmani** » Tue May 24, 2005 4:25 am

hai Husuul-e-aarzuu kaa raaz tark-e-aarzuu
maiN ne duniyaa chhoR dii to mil gaii duniyaa mujhe

Seemaab Akbarabaadii

Abdullah Nazir · Post by **Abdullah Nazir** » Tue May 24, 2005 11:21 am

Yeh aarzoo thii ke tujh ko banaayenge apnaa

khulii jou aankh tou dekhaa ke aek khwaab thaa voh

Nasir.
[/b][/size][/color]

Post by **najma** » Tue May 24, 2005 12:17 pm

past hotii hay zehniyyat unki
wo jo ooncha makaanrakhte haiN
najma

Post by **syed bilal armaan** » Tue May 24, 2005 2:45 pm

[/b]gham-e-Hayaat ne aavaara kar diyaa varna
thi aarzoo ke tere dar pe subH-o-shaam kareN ...

Post by **najma** » Tue May 24, 2005 2:57 pm

dam na nikla kisi ke zaanuu par
reh gaee dil ki aarzoo dil meiN
behr

Abdullah Nazir · Post by **Abdullah Nazir** » Tue May 24, 2005 3:20 pm

NahiN sehtaa koii insaaN shikast-e-aarzoo barsouN

"dukhaakar di miraa pachtaayegaa woh tund-khoo barsouN"

Nazir.

Post by **najma** » Tue May 24, 2005 7:39 pm

dil Gham-e-hijr se kahuu hoga
muft meiN khoon-e-aarzoo hoga
mus,hafii

Abdullah Nazir · Post by **Abdullah Nazir** » Thu May 26, 2005 3:46 am

Aarzoo-e-dil-e-barbaad kaa anjaam hei yeh

tum hou naaraaz tou dunya bhii khafaa hei mujh se.

Nazir.

Post by **Hashmat Usmani** » Thu May 26, 2005 4:17 am

tamannaa hai terii agar hai tamannaa
terii aarzuu hai, agar aarazuu hai

Khowaajah Meer "Dard"

Post by **najma** » Thu May 26, 2005 9:10 am

kabhi kabhi aarzoo k sehra men aa k ruktay hain qaaflay se
woh saari baatien lagao ki si woh sarey unwan wisal k se

Post by **syed bilal armaan** » Thu May 26, 2005 10:35 am

aatee hai yaad lazzat.e.Gham.haa.e.aarzoo
kehne ko Gham hazaar hu'e, phir bhee kam hu'e

Abdullah Nazir · Post by **Abdullah Nazir** » Fri May 27, 2005 7:52 am

A a r z o o

aarzoo dil kii tou dil hii meiN rehi hei lekin

kisqadar tuu ne muHabbat meiN rulaayaa mujhko.

Nazir.