Lafz par ashaar#26--aatish/aaG

Post by **Shummu** » Sat Feb 11, 2006 11:54 am

Woh aag hai ke meri paur paur jaltee hei
mere badan ko mila chanaar ka mausam

- parveen shakir

Abdullah Nazir · Post by **Abdullah Nazir** » Sat Feb 11, 2006 2:04 pm

aatish-e-shauq meiN jaltaa rahaa maiN jiske liye

aek AarSah houaa soorat nah dikhaayi us ne.

Shayer: Abdullah Nazir.

Nazir.

Post by **Daanish** » Sun Feb 12, 2006 4:39 am

maiN adam se bhi paray huN warna ghaafil! baarha
meri aah-e-aatisheeN se baal-e-anqa ja gaya--Ghalib

ummassad · Post by **ummassad** » Mon Feb 13, 2006 9:40 pm

shama ne ser py rakhi aag khasam khane ko
bakhuda mainne jalaya nahi parwane ko

Post by **Daanish** » Tue Feb 14, 2006 2:33 am

khwaahi ke raushanat shawad ehwaal-e-sirr-e-ishq
az shama purs qissa, ze baad-e-sabaa mapurs--Haafiz-e-Shiraazi
(tarjuma: agar tau chaahta hai ke ishq ke raaz tujh par raushan ho jaye/ shama se qissa pooch, baad-e-sabaa se na poochh)

Post by **Daanish** » Tue Feb 14, 2006 12:25 pm

vaez, aatish-e-dozakh se jahaaN ko tumne
yeh Daraaya hai ke khud ban gaye Dar ki soorat--Altaaf Hussain 'Haali'

ummassad · Post by **ummassad** » Wed Feb 15, 2006 5:46 pm

aaj bhi ho jo ibraheem sa imaan pyda
AAG ker sakti hy andaaz.e.gulistaan pyda

Post by **Daanish** » Thu Feb 16, 2006 1:54 am

dil meiN zauq-e-wasl-o-yaad-e-yaar tak baaqui nahiN
aag is ghar meiN lagi aisi ke jo thha, jal gaya--Ghalib

Abdullah Nazir · Post by **Abdullah Nazir** » Thu Feb 16, 2006 2:27 am

ishq ki Sabr aazmaayi aajkal hei auj per

aag lag jaati hei dil meiN jab wo kehtaa hei 'nahiN'.

Shayer: Abdullah Nazir.

Nazir.

Abdullah Nazir · Post by **Abdullah Nazir** » Sun Feb 19, 2006 2:27 am

ThoukareN khaake bhii aayaa nah sanbhalnaa mujhko

jaane kab tak hei isi aag meiN jalnaa majhko.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Sun Feb 19, 2006 2:55 pm

mujhko ehsaas-e-gham-e-dil kaa patah chaltaa hei

apni hii aag meiN jal jaate hei jab taazah gulaab.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Sun Feb 19, 2006 3:05 pm

phool se heiN lab tere aag saa badan teraa

Dar hei teri qurbat meiN, jal nah jaaye parwaanah.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Mon Feb 20, 2006 3:43 am

Itni qurbat hei ke deewaanah houaa jaataa hooN

Dar hei jal jaayeN nah ab aatish-e-rukhsaar se haath.

Shayer: Abdullah Nazir.

Nazir.

Post by **Shummu** » Mon Feb 20, 2006 10:08 am

aab-o-aatish se yeh Khamiir-e-chaman,
hai KhizaaN ya bahaar hai? kya hai?

Abdullah Nazir · Post by **Abdullah Nazir** » Mon Feb 20, 2006 8:18 pm

uff re aatish-kada-e-surkhi-e-lab kaa Aalam

door hooN tum se magar meraa badan jaltaa hei.

Shaayer: Abdullah Nazir.

Nazir.