lafz "zabaan" per sheAr likhiye

Abdullah Nazir · Post by **Abdullah Nazir** » Tue Apr 25, 2006 12:17 pm

baat nikli jo bewafaayi kii

naam teraa zabaan per aayaa.

Shaayer: Abdullah Nazir.

Nazir.

Tue Apr 25, 2006 12:56 pm

yeh dastoor-e-ZUBAANbandee hai kesa teree meHfil meN

yahaaN to bat karne ko tarastee hai ZUBAAN meree.

(iqbal)

Abdullah Nazir · Post by **Abdullah Nazir** » Wed Apr 26, 2006 1:56 pm

sitam aur us peh khamoushi kaa Hukm ai Sayyad

zabaaN taRapti rahegi dahan meiN rehne tak.

Shaayer: Abdullah Nazir.

Nazir.

Post by **zmufti** » Thu Apr 27, 2006 7:31 pm

ham ne baKhshii hai Khamoshii ko zubaaN
dard majabuur-e-fuGaaN thaa pahale

Abdullah Nazir · Post by **Abdullah Nazir** » Sat Apr 29, 2006 5:48 am

miri zabaaN ne tire waSf-e-Husn ki khaaTir

bahaay-e-lafz o bayaaN baanT di hei meHfil meiN.

Shaayer: Abdullah Nazir.

Nazir.

Post by **zmufti** » Sat Apr 29, 2006 7:25 pm

kiije bayaa.N suruur-e-tap-e-Gam kahaa.N talak
har muu mere badan pe zabaan-e-sipaas hai

Abdullah Nazir · Post by **Abdullah Nazir** » Sun Apr 30, 2006 4:58 am

unke labaoN ki pyaas kaa soojhaa nah kuch ilaaj

achcha houaa lagaa nahiN chaskaa zabaan ko.

Shaayer: Abdullah Nazir.

Nazir.

ameen · Post by **ameen** » Sun Apr 30, 2006 3:44 pm

maslahat-e-khamoshi kis zabaaN mei hai?
aur bhi zabaaN rakhte ek zabaaN ke siwa

Abdullah Nazir · Post by **Abdullah Nazir** » Mon May 01, 2006 1:51 am

b]

Vohi lazzat hei us bouse ki ab tak

labaoN per phertaa hooN maiN zabaaN ko.

Shaayer: Mumin.

Nazir.
[/b]

Abdullah Nazir · Post by **Abdullah Nazir** » Mon May 01, 2006 4:05 am

mat pooch mujh se lazzat-e-aazadiy-e-sukhan

jab houNT us ne rakhdiye meri zabaan per.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Tue May 02, 2006 3:27 pm

"Haal-e-dil-e-beemaar nahiN ZabT ke qaabil

lekin wo zabaaN mujhko hilaane nahiN dete".

Shaayer: namaAloom.

Nazir.

Abdullah Nazir · Post by **Abdullah Nazir** » Fri May 05, 2006 3:18 am

chale jaane do bazm-e-doustaaN se

nikal jaaye nah kuch meri zabaaN se

Shaayer: Abdullah Nazir

Nazir.

Abdullah Nazir · Post by **Abdullah Nazir** » Fri May 05, 2006 3:46 am

jo aarzoo-e-dil thi AayaaN houke reh gayi

kya poochte ho walwale meri zabaan ke

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Sun May 07, 2006 10:19 am

dekhaa tha unke hounTaoN ko larzaaN shab-e-viSaal

tab se hei boo-e-gul si hamaari zabaan per

Shaayer: Abdullah Nazir.

Nazir.

Post by **Daanish** » Mon Aug 28, 2006 12:10 pm

soorat-e-shama huN har chand faroGh-e-mehfil
baat karne nahiN paata ke zabaaN kaTti hai--Aatish