• Lafz par Ashaar#5--"BARISH "

Posted: **Fri Mar 25, 2005 3:17 am**

baarish huii to phuuloN ke tan chaak ho gaye
mausam ke haath bhiig ke saffaak ho gaye

Parveen Shaakir

Posted: **Fri Mar 25, 2005 3:46 am**

dard kii baarish sahii maddham zaraa aahistaa chal
dil kii miTTii hai abhii tak nam zaraa aahistaa chal

Posted: **Fri Mar 25, 2005 8:38 am**

Sochta hoon phool ki pati se bhi nazuk ye dil
patharo'un ki barish'oun may kaise zinda raha...

Posted: **Fri Mar 25, 2005 8:24 pm**

Kaghaz kay phool sar per sajaa kar chaly hayaat
Nikly baroon-e-shehr to baarish nay aa liya

Khush rahain

Khair andesh

Raheel Ahmed

Posted: **Sat Mar 26, 2005 5:12 am**

baarish meiN uskaa bheegnaa dekhaa nahiN gayaa

ham saath khainch laaye use saa'ibaan meiN

Nazir.

Posted: **Sat Mar 26, 2005 2:52 pm**

har pattii bojhal ho ke girii, sab shaaKheN jhuk kar TuuT gaiiN
us baarish hii se fasal ujaRii jis baarish se taiyaar huii

Mai'Hshar BadaayuuNii

Posted: **Sun Mar 27, 2005 8:12 am**

phool baarish meiN tabassum ke khilaate rehnaa

haath lehraake mujhe paas bulaate rehnaa

Nazir.

Posted: **Sun Mar 27, 2005 12:51 pm**

aslaam_u_alikam

wo terey naseeb kii baarishein kisii aur chat per baras gaaien
dil e bekhabar merii baat sun ussey bhool jaa ussey bhool jaa

Posted: **Sun Mar 27, 2005 3:08 pm**

in barish'oun se dosti achhi nahi FARAZ
kachha tera makan hai kuch tou kayaal kar...

Posted: **Sun Mar 27, 2005 6:40 pm**

deewaar o dar makaan ke paani meiN beh nah jaayeN

chuptaa hei koii kis liye baarish ke khauf se

Nazir.

Posted: **Mon Mar 28, 2005 4:42 am**

baarish-e-vasl vo hui saara ghubaar dhul gaya
vo bhi nikhar nikhar gaya ham bhi nikhar nikhar gaye

Posted: **Mon Mar 28, 2005 12:49 pm**

Baarish meiN bheegnaa tujhe achcha lagaa magar

kapRe badalne aa ke sunaaooN maiN apni baat.

Nazir.

Posted: **Tue Mar 29, 2005 2:25 am**

salaam dosto,

bhai ab bahot ho chukii baarish, ab to yeh 'aalam hai ki:

vafoor-e-"baarish [ ]" ne kaashaane kaa kiyaa yeh rang
ki ho gaye mire deevaar_o_dar, dar_o_deevaar!

ab koii to "dhoop" dikhlaaye ki yeh sailaab-e-balaa ko Khushk kare!

Hashmat

Posted: **Tue Mar 29, 2005 5:58 am**

sara_j wrote: kahan hai armaan saahib ??? vahi lafz dete hain tou ab unka intezar akrte hain hum ke voh aayein aur naya lafz dein.

Saara, mujhe aur aapko kahiiN "Armaan" saaHib kaa "armaan" hii na rah jaaye.

Arman saaHib aisa na kijiiyegaa, kiuNki:

Tuk! ham soKhta_jaanoN kii tu jald Khabar le
kia, yaar! bharosa hai CharaaGh-e-saharii kaa

Meer jii kii rooH se is sher [she'r] kii gardan_kashii ke liye ba_sad ma'azarat ke saath

Hashmat

Posted: **Tue Mar 29, 2005 5:37 pm**

baarish ke din heiN aur tiraa allhaR shabab hei

aakhir maiN kyaa karuN dil-e-khaanah kharaab ko

Nazir.

Lafz par Ashaar#5--"BARISH "

"baarish"

"baarish"

"barish"

"baarish"

"baarish"