Lafz par Ashaar#5--" ZAKHAM"

Abdullah Nazir · Post by **Abdullah Nazir** » Tue Apr 05, 2005 7:07 am

zakhm-e-dil jiski inaayat hei bhalaa kiyaa jaane

Uskaa beemaar tarastaa hei maseeHaayi ko

Nazir.

Abdullah Nazir · Post by **Abdullah Nazir** » Tue Apr 05, 2005 2:08 pm

zakhm de kar tou nah kar zuAm maseeHaayi kaa

kis liye shuq hei itnaa tujhe rusvaayi kaa.

Nazir.

Post by **syed bilal armaan** » Wed Apr 06, 2005 7:21 am

Dil ke har zakham se ati hai wafa ki khshboo
zakham chup jayeinge khushboo ko chupa'oun kaise...

Abdullah Nazir · Post by **Abdullah Nazir** » Wed Apr 06, 2005 11:54 am

zakhm-e-dil se kahiN risne nah lage Taazah luhoo,

baaz aajaayiye lillah namak paashi se.

Nazir.

Post by **Hashmat Usmani** » Thu Apr 07, 2005 2:54 am

tumhaarii yaad ke jab zaKhm bharane lagte haiN
kisii bahaane tumheN yaad karne lagte haiN

Abdullah Nazir · Post by **Abdullah Nazir** » Thu Apr 07, 2005 5:29 pm

hazaar zakhm sahe phir bhii uff na kii zaalim

hamaare zarf kaa ab aur imtiHaan nah le.

Nazir.

Post by **Hashmat Usmani** » Fri Apr 08, 2005 1:09 am

phuuloN kii aarzuu meN baR zaKhm khaaye haiN
lekin, chaman ke Khaar bhii ab tak paraaye haiN

Post by **Hashmat Usmani** » Sat Apr 09, 2005 2:45 am

lab sii diye haiN taa na shikaayat kare koii
lekin, har ek zaKhm ke muuNh meN zabaaN hai aaj

Post by **Hashmat Usmani** » Sun Apr 10, 2005 4:58 am

vo Khaar-Khaar hai ShaaKh-e-gulaab kii maanind
maiN zaKhm-zaKhm huuN phir bhii gale lagaauuN use

Post by **Hashmat Usmani** » Sun Apr 10, 2005 10:11 pm

us ne bhii koii zaKhm kuredaa nahiiN meraa
maiN ne bhii vaaqe'aat se sarf-e-nazar kiyaa

Post by **Hashmat Usmani** » Mon Apr 11, 2005 3:06 am

zaKhm pe zaKhm khaa ke jii, apne lahuu ke ghuuNT pii
aah na kar! laboN ko sii! 'ishq hai dil_lagii nahiiN

Post by **syed bilal armaan** » Tue Apr 12, 2005 5:19 pm

haath us ke bhi yaqeenan huye honge zakmi
jis ne meri rah'oun may kante bichhaye honge..

Post by **najma** » Tue Apr 12, 2005 10:01 pm

maiN ne dil ka diyaa jalayaa hay
zakhm-e-eh,saas rang laayaa hay
najma

Abdullah Nazir · Post by **Abdullah Nazir** » Wed Apr 13, 2005 3:32 am

zakhm jou sookh gaye thay wo hare houne lage

teri yaadaoN ne mujhe chain se rehne nah diyaa.

Nazir.

Post by **najma** » Wed Apr 13, 2005 1:46 pm

marne pe mere uz,r na jeene pe e,tiraaz
sayyad ko hay zakh,m ke seene pe e,tiraaz
najma