Shair ka jawab shair main dejeye

Abdullah Nazir · Post by **Abdullah Nazir** » Fri May 06, 2005 6:45 am

hamaara kyaa thaa ham tou aapko apnaa samajh baiThe

yeh kyaa mushkil hei ab khalq-e-khudaa kuch aur kehtii hei.

Nazir.

Post by **najma** » Fri May 06, 2005 10:34 am

maiN apnoNki mohabbat meiN watan ponchi jo aiy :NAJMA:!
to tha baRh chaRh ke har koee mire samaan ka maddaah
najma

Abdullah Nazir · Post by **Abdullah Nazir** » Fri May 06, 2005 7:16 pm

kabhii manzil kii tamannaa meiN qadam baRhte heiN

rouk dete heiN kabhii paaooN ke chaale mujhko.

Aapka Mukhlis,
Nazir.

Post by **najma** » Fri May 06, 2005 8:02 pm

main unkii aur wo merii pukaar sun na sake
agar-che koo-e-sitam meiN ham aas-paas rahe

Abdullah Nazir · Post by **Abdullah Nazir** » Fri May 06, 2005 11:08 pm

shoukhiy-e-chashm se ghaafil nahiN rehtaa :Nazir:

jaane tuu apni tamannaa ko chupaataa kiyuN hei.

Nazir.

Post by **najma** » Fri May 06, 2005 11:23 pm

har tamanna ko milaa kar khaak meiN
ishq ki rak,khii hay ham ne aabruu
nafis ahmad siddiqui

Abdullah Nazir · Post by **Abdullah Nazir** » Sun May 08, 2005 12:33 pm

"mujhko dekh umr kii is khwaab fizaa manzil meiN

kitne armaanaoN kaa dam ghounT ke beidaar hooN maiN".

Nazir.

Post by **najma** » Sun May 08, 2005 6:15 pm

ghuT gaya armaaN ka dam dil meiN magar
ab naheeN dil ke chaman meiN rang-o-boo
nafis ahmad siddiqui

Abdullah Nazir · Post by **Abdullah Nazir** » Mon May 09, 2005 5:04 am

tujhe bulandiy-e-fikr-e-sukhan mubaarak hou

kabhi tou dekh khudaara mirii nazar se mujhe.

Nazir.

Post by **najma** » Mon May 09, 2005 9:07 am

tira jamaal hay tere wujood la eh,saas
bahaar aaey to khushbuu bhi saathlaatii hay
najma

Abdullah Nazir · Post by **Abdullah Nazir** » Tue May 10, 2005 2:31 am

thee mushaabih tiri zulfaoN se bahut hijr kii shab

gham tou yeh hei ke moyassar mujhe khushboo nah houii.

Nazir.

Post by **najma** » Tue May 10, 2005 2:55 am

gesuu-e-naaz jab bikherte hain
misl-e-mahtaab wo nikharte haiN
najma

Abdullah Nazir · Post by **Abdullah Nazir** » Thu May 12, 2005 6:47 am

Zindagaanii ke masaayil kii Haqeeqat kyaa kahooN

Terii zulfaoN kii TaraH uljhaa kiye suljhaa kiye.

Nazir.

Post by **najma** » Thu May 12, 2005 8:55 am

zulf-e-barham ki baat karte ho
pech aur kham ki baat karte ho

najma

Abdullah Nazir · Post by **Abdullah Nazir** » Thu May 12, 2005 9:06 am

Zindagii meri hei paicheedah bahut, pahle hii

Uqda-e-zulf ke maanand nah mushkil houjaaou.

Nazir.