PASANDEEDA ASH,AAR

Abdullah Nazir · Post by **Abdullah Nazir** » Mon Apr 17, 2006 1:46 am

"le saans bhi aahistah ke naazuk hei bahut kaam

aafaaq ki is kaargah-e-sheeshah-gari kaa."

Shayer: Meer.

Nazir.

Post by **Daanish** » Mon Apr 17, 2006 3:05 am

shaayad aave haal pursi karne, is ummeed par
kab se haiN daar-ul-shifa meiN, us ke biimaaroN meiN hum--Meer

Abdullah Nazir · Post by **Abdullah Nazir** » Mon Apr 17, 2006 10:34 pm

"aek ke bhi wo bure Haal meiN aayaa nah kabhoo

loag achche thay bahut yaar ke beemaaraoN meiN."

Shaayer: Meer.

Nazir.

Post by **zmufti** » Thu Apr 20, 2006 6:54 pm

aa.Nkho.n se juu-e-Khuu.N hai ravaa.N dil hai daaG daaG
dekhe ko_ii bahaar-e-gulistaan-e-aarazuu

Post by **zmufti** » Thu Apr 20, 2006 6:57 pm

havaa ke dosh pe rakkhe hue charaaG hai.n ham
jo bujh gaye to havaa se shikaayate.n kaisii

Abdullah Nazir · Post by **Abdullah Nazir** » Sat Apr 22, 2006 2:18 am

aseeran-e-qafas gham bhool jaate heiN rihaa houkar

magar Sayyaad ke dil se pashemaani nahiN jaati.

Shaayer: Akbar Hyderabadi.

Nazir.

Post by **zmufti** » Mon Apr 24, 2006 8:16 pm

kyaa jaane kis ko kis se hai ab daad kii talab
vo Gam jo mere dil me.n hai terii nazar me.n hai

Abdullah Nazir · Post by **Abdullah Nazir** » Tue Apr 25, 2006 11:47 am

"Paate thay chain kab gham-e-doori se ghar meiN ham

raaHat waTan ki yaad kareN kyaa safar meiN ham."

Shaayer: Mumin.

Nazir.

Post by **zmufti** » Thu Apr 27, 2006 7:26 pm

sar-e-mahafil bataa duuNgaa sar-e-mahashar dikha duuNgaa
hamaare saath tum hoge ye duniyaa dekhatii hogii

ummassad · Post by **ummassad** » Fri Apr 28, 2006 1:50 am

kati hey gham ki raat bade aahteram se
akser bujha liya hey chiragoun ko sham se

Abdullah Nazir · Post by **Abdullah Nazir** » Sat Apr 29, 2006 5:18 am

"agar jalaate nah us shoAllah roo ke ishq meiN jee

to souz-e-aatish-egham se jalaa nah karte ham."

Shaayer: Mumin.

Nazir.

Post by **zmufti** » Sat Apr 29, 2006 7:20 pm

maiN bhii palakoN pe sajaa luuNgaa lahuu kii buuNdeN
tum bhii paabastaa-e-zanjiir-e-hiinaa ho jaanaa

Abdullah Nazir · Post by **Abdullah Nazir** » Mon May 01, 2006 4:13 am

[size-18]

dil faqr ki daulat se miraa aisaa ghani hei

dunyaa ke zar o maal peh maiN tuf nahiN kartaa.

Shaayer: Zauq.

Nazir.
[/size]

ummassad · Post by **ummassad** » Mon May 01, 2006 9:32 pm

kiya laiq.e.setum bhi nahi ab main doosto
pather bhi gher main aaiye zamana juzar gaiya

Abdullah Nazir · Post by **Abdullah Nazir** » Tue May 02, 2006 3:32 am

"kis TaraH kouhkan peh guzrengi

hijr kii yeh pahaaR si raateN."

Shaayer: sajjaad.

Nazir.