• Sher ke doosre misre ke pehle/aakhri alfaaz se sher kahiye!

Posted: **Mon Apr 18, 2005 12:46 am**

THII nau_aamoz fanaa himmat-e-dushwaar pasand
SAKHT mushkil hai ki yeh kaam bhii aasaaN NIKLAA

SAKHT / NIKLAA

Posted: **Mon Apr 18, 2005 11:32 am**

sakht mushkil hii sahi rah-e-wafaa jaan-e-jahaaN

mujhko aataa nahiN manzil se gurezaaN hounaa.

(mujhko / hounaa)

Nazir.

Posted: **Mon Apr 18, 2005 2:46 pm**

mujh ko junooN naheeN, keh maiN jaagooN tamaam raat
lekin tira khayaal sataey to kya karooN
lekin/karooN

Posted: **Tue Apr 19, 2005 1:48 am**

use hayaat ka idraak ho naheeN sakta
nazar ke saamne ji ki, ajal ki raah naheeN
nafis ahmad siddiqui
nazar/naheeN

Posted: **Wed Apr 20, 2005 5:22 am**

nahiN firaaq meiN zaalim sukooN zaraa saa bhii

yeh aarzoo hei ke soujaaooN tere zaanoo per.

(yeh / per)

Nazir.

Posted: **Wed Apr 20, 2005 9:15 pm**

ye kis ka khoon hay daaman pe yaaroo!
lahuu se kis ke, rangeeN aasteeN hay

alhuu/hay

Posted: **Thu Apr 21, 2005 12:14 am**

lahuu na ho to kalaam tarjumaaN nahiiN hotaa
hamaare daur meN aaNsuu zubaaN nahiiN hotaa

Waseem Barelvii

hamaare / hotaa

Posted: **Thu Apr 21, 2005 5:30 am**

agar ham kaheN aur vo muskuraa deN
ham unke liye zindagaanii luTaa deN

Sudarshan "Faakir"

ham / deN

Posted: **Thu Apr 21, 2005 1:17 pm**

ham unki muHabbat ko kaise bhulaadeN

wo gar hukm deN, apni dunyaa luTaadeN.

( wo / luTaadeN )

Nazir.

Posted: **Fri Apr 22, 2005 2:05 am**

poochh mat rusvaaii-e-andaaz-e-isteGhnaa-e-Husn
dast-e-marhoon-e-Hinaa, ruKhsaar_o_dehn-e-Ghaaza thaa

dast / thaa

Posted: **Fri Apr 22, 2005 3:31 am**

dast maayoos-e-karam, joush-e-tamanna qaayim

raah-e-ulfat meiN kahaaN haar houii hei merii.

raah /meri

Nazir.
[/color

Posted: **Fri Apr 22, 2005 4:27 am**

raah-e-'aashiqii ke maare raah-e-aam tak na pahoNche
kabhii subHa tak na pahoNche, kabhii shaam tak na pahoNche

YaHya Jasdanwala

kabhii / pahoNche

Posted: **Fri Apr 22, 2005 12:48 pm**

aao ki koii Khowaab buneN kal ke vaaste
varnaa ye raat aaj ke sangiin daur kii
Das legii jaan-o-dil ko kuchh aise ki jaan-o-dil
taa-'umr phir na koii hasiiN Khowaab bun sakeN

SaaHir Ludhianvii

taa / sakeN

Posted: **Fri Apr 22, 2005 11:10 pm**

taa-umr tiree shak,l rahay saamne mere
aaa , aur na kabhii laut k jane ke liye aaa
najma
phir se =====
aaa/aaa

Posted: **Fri Apr 22, 2005 11:16 pm**

tum hi mere mandi, tum hi merii pooja
tumhi devta ho -tumhii devta ho
-----------wao--------

Sher ke doosre misre ke pehle/aakhri alfaaz se sher kahiye!

sakht

"nahiN"

"ham"

"dast"