Shair ka jawab shair main dejeye

Post by **najma** » Mon May 16, 2005 9:26 am

ham ne to chaahaa tha, un se mud,da,aa kardeN bayaaN
lafz kuch aey zabaaN par, aur aa kar reh gaey
najma

Post by **najma** » Mon May 16, 2005 1:30 pm

sab kuch khuda se maang liya tujhko maang kar
uThte naheeN haiN haath mire, is dua k ba,d

Abdullah Nazir · Post by **Abdullah Nazir** » Mon May 16, 2005 7:34 pm

dastoor-e-rasm-e-daadrasii hei wafaa ke saath

laazim hei chaarah-saaziy-e-dil bhii duAaa ke saath.

Nazir.

Post by **najma** » Mon May 16, 2005 7:49 pm

ho na jab apna koee bhi chara-gar
seena-e-sad-chaak kya hoga arfuu
nafis ahmad siddiqui

Abdullah Nazir · Post by **Abdullah Nazir** » Mon May 16, 2005 8:50 pm

naakhun-e-uqdah kushaa dast-e-tah-e-sang meiN hei

maiN kahaaN aur tiri zulf-e-girahgeer kahaaN.

:Nazir:

Post by **najma** » Mon May 16, 2005 9:21 pm

zulf-e-barham ki baat karte ho
pech aur kham ki baat karte ho
nafis ahmad siddiqui

Abdullah Nazir · Post by **Abdullah Nazir** » Tue May 17, 2005 10:44 am

sirf andaazah thaa, ma'Aloom nahiN thaa mujhko

itne purpech tire gaisooay-e-peichaaN houNge.

:Nazir:

Post by **najma** » Tue May 17, 2005 10:52 am

tum jise rah-numa banaogay
wo hamara hi naqsh-e-paa hoga
najma

Abdullah Nazir · Post by **Abdullah Nazir** » Tue May 17, 2005 12:15 pm

uff re yeh Aaqrab-e-abroo kii tire, neish-zanii

cheekh uThTe nah taRaptaa houaa insaaN kab tak.

:Nazir:

Post by **najma** » Tue May 17, 2005 8:19 pm

koee qatil unheN naheeN kehta
wo, jo nazroN se waar karte haiN
najma

Post by **Hashmat Usmani** » Wed May 18, 2005 4:17 am

suuraj kii har kiraN terii suurat pe vaar duuN
dozaKh ko chaahtaa huuN ki jannat pe vaar duuN

Abdul Hameed Adam

Post by **najma** » Wed May 18, 2005 12:40 pm

chaand, sooraj, na deiN hameiN ta,naa
ham bhi ik aasmaan rakhte haiN
najma

Abdullah Nazir · Post by **Abdullah Nazir** » Wed May 18, 2005 3:28 pm

Wo sitamgar hei, kahe jou bhii use kehnaa hou

pahle alfaaz ko meezaan meiN toule tou sahii.

:Nazir:

Post by **najma** » Wed May 18, 2005 3:48 pm

iltijaeiN to bohat keeN sitam-eejaadoN se
koee matlab naheeN nikla miree faryaadoN se
najma

Abdullah Nazir · Post by **Abdullah Nazir** » Thu May 19, 2005 1:04 am

khauf-e-rusvaayii hei maiN tujh ko buraa kaise kahooN

ghar se baahar bhii chalii jaatii heiN ghar kii baateN.

Nazir.