Shair ka jawab shair main dejeye

Post by **najma** » Thu May 19, 2005 1:18 am

ashkoN ne dil ki baat zamane meiN aam kii
afsos, ghar ki baat kahaaN tak chalii gaee
nafis ahmad siddiqui

Abdullah Nazir · Post by **Abdullah Nazir** » Thu May 19, 2005 4:44 am

zindagii kii dhoop meiN khwaabaoN ke gul murjhaagaye

aur kyaa Haasil houaa hei gardish-e-ayyaam se.

Nazir.

Post by **Hashmat Usmani** » Thu May 19, 2005 4:54 am

hazaar gardish-e-shaam_o_saHar se guzre haiN
vo qaafile jo terii rahguzar se guzre haiN

Sufi Ghulam Mustafa "Tabassum"

Post by **najma** » Thu May 19, 2005 12:45 pm

wo qaafle, jo sar-e-raah luT gaey din meiN
ab unki shaam na-jaane kahaaN guzartii hay
najma

Abdullah Nazir · Post by **Abdullah Nazir** » Thu May 19, 2005 10:09 pm

NahiN hei silsila-e-naamah o payaam un se

idhar udhar se khabar aatii jaatii rehtii hei.

:Nazir:

Post by **najma** » Thu May 19, 2005 10:45 pm

ham un se rasm-e-mohabbat baRhaa naheeN sakte
ye ek baar-e-giraaN hay, uThaa naheeN sakte
najma

Post by **Hashmat Usmani** » Thu May 19, 2005 11:15 pm

ab to uTh saktaa nahiiN aaNkhoN se baar-e-intezaar
kis_taraH kaaTe koii lai'l_o_nahaar-e-intezaar

Hasrat Mohaanii

Post by **najma** » Thu May 19, 2005 11:17 pm

muntazir haiN ye dar, aur ye baam
kya huee tre wa,de ki shaam
najma

Post by **Hashmat Usmani** » Fri May 20, 2005 12:45 am

shaam-e-Gham kuchh us nigaah-e-naaz kii baateN karo
be_Khudii baRhtii chalii hai, raaz kii baateN karo

Firaaq Gorakhpuri

Post by **najma** » Fri May 20, 2005 12:48 am

choR kar naaz-o-ada, talwaar ki bateN kareN
johd kii, jur,at ki or eecaar ki baateN kareN
najma

Post by **Hashmat Usmani** » Fri May 20, 2005 1:05 am

nigaah-e-naaz kii kaifiiyateN haiN dil meN vohii
k rooH tan meN ho, sheesha meN jis_taraH ho parii

AsGhar GoNDvii

Post by **najma** » Fri May 20, 2005 2:11 am

kar gaee kaam pehlii fursat meiN
haey wo ik nazar, mohabbat-paash
najma

Post by **Hashmat Usmani** » Fri May 20, 2005 4:34 am

Takraa hii gaii merii nazar un kii nazar se
dhonaa hii paRaa haath mujhe qalb_o_jigar se

Faiyaaz Haashmii

Post by **najma** » Fri May 20, 2005 12:52 pm

aankh se mujh ko tasawwur ki, ye aata hay nazar
waqt ik raftaar se kis tarha jata hay suga
najma

Abdullah Nazir · Post by **Abdullah Nazir** » Fri May 20, 2005 2:53 pm

YooN nah aankhaoN ke ishaare se bulaaou mujhko

Tum hii manzil hou miri, aur kahaaN jaaoongaa,

Nazir.