• Sher ke doosre misre ke pehle/aakhri alfaaz se sher kahiye!

Posted: **Tue Apr 26, 2005 4:41 am**

jisko hei bas fikr apni, us se kyaa maTlab mujhe

aisi suHbat se tou bachne do khudaaraa ab mujhe.

(aisi / mujhe)

Nazir.

Posted: **Tue Apr 26, 2005 4:50 am**

aataa hai yaad mujhko guzraa huaa zamaanaa
vo baaGh kii bahaareN, vo sabkaa chehchahaanaa

'allaamah Iqbaal

VO / CHEHCHAHAANAA

Posted: **Tue Apr 26, 2005 4:56 am**

wo umr-e-raftah kii yaaden wo gulsitaaN apnaa

muskuraane de nah aaraam se jeene de mujhe.

(muskuraane / mujhe)

Nazir.

Posted: **Tue Apr 26, 2005 6:02 am**

mujhe, ai naa_Khudaa! aaKhir kisii ko muNh dikhaanaa hai
bahaana kar ke tanhaa paar utar jaanaa nahiiN aataa

Yagaana Yaas Changezii

BAHAANA / AATAA

Posted: **Wed Apr 27, 2005 12:01 am**

wo to unka zarf tha, aur ye hamara hauslah
zulm wo karte rahay, ham marhaba kehte rahay
najma

zulm/rahay

Posted: **Wed Apr 27, 2005 1:58 am**

zulm ke paaoN se jo phuul masal jaate haiN
Khaar ban kar vahii patthar pe nikal aatehaiN

Azra Aadil Rasheed

KHAAR / HAIN

Posted: **Wed Apr 27, 2005 3:25 am**

khaar hii khaar heiN jab raah-e-wafaa meiN jaanaaN

ishrat-e-shauq kii ummeed kahaaN se laaooN.

(ishrat / laaooN)

Nazir.

Posted: **Wed Apr 27, 2005 4:19 am**

'ishrat-e-qatra hai, daryaa meN fanaa ho jaanaa
dard kaa Had se guzarnaa, hai davaa ho jaanaa

Ghaalib

DARD / JAANAA

Posted: **Wed Apr 27, 2005 11:02 am**

dard-o-Gham, ranj-o-alam, aah-o-fuGhaaN the mere saath

aap phir kese mujhe tanhaa bhalaa kehte rahay?

najma

aap/rahay

Posted: **Wed Apr 27, 2005 11:12 am**

wo chahta tha keh gum-naam hi mujhe rak,khe
magar ye mujh meiN thi jur,at, keh naam looN apna
khawar qureshi

magar/apna

Posted: **Wed Apr 27, 2005 1:05 pm**

apnaa Gham le ke kahiiN aur na jaayaa jaaye
ghar meN bikhrii huii chiizoN ko sajaayaa jaaye

Nida "Faazlii"

GHAR / JAAYE

Posted: **Wed Apr 27, 2005 1:08 pm**

ghar ka ghar qurbaan jis ne rah-e-haqq pe kardiya
us jarii ko, haidar-e-karraar ko mera sallam
najma

us/salaam

Posted: **Thu Apr 28, 2005 1:27 am**

har taraf, har jagah be_shumaar aadamii
phir bhii tanhaaiiyoN kaa shikaaraadamii

Nida Faazlii

PHIR / AADMI

Posted: **Thu Apr 28, 2005 1:58 am**

mujh ko zehraab-e-aarzoo de kar
maar dala hay khud maseehaa ne
najma

maar/maseehaa

Posted: **Thu Apr 28, 2005 2:11 am**

maaraa us ne mujhe chasm-e-adaa se pahle
apnii manzil ko pahoNch jauuN qazaa se pahle

Momin KhaaN "Momin"

APNI / PAHLE

Sher ke doosre misre ke pehle/aakhri alfaaz se sher kahiye!

"jisko"

wo

"khar"