Shair ka jawab shair main dejeye

Post by **najma** » Fri May 20, 2005 7:14 pm

aap haiN ibtida, aap hi intihaa
maiN to paida huee aap hi ke liye
najma

Abdullah Nazir · Post by **Abdullah Nazir** » Fri May 20, 2005 9:38 pm

Sun ke iqraar-e-Ahd-e-wafaa aap se

zindagaanii ko meri qaraar aagayaa.

Nazir.

Post by **najma** » Fri May 20, 2005 9:51 pm

aagaya hay qaraar ka mausim
phir bhi dil ko mire qaraar naheeN
najma

Post by **Hashmat Usmani** » Sat May 21, 2005 12:59 am

haath siine pe jo rakh do to qaraar aa jaaye
dil ke ujRe huye gulshan meN bahaar aa jaaye

Azeez Kashmiri

Post by **najma** » Sat May 21, 2005 1:23 am

un laboN ki bahaar, uff taubah
''phool khilte haiN muskuraane se''
najma

Post by **Hashmat Usmani** » Sat May 21, 2005 1:29 am

uskii baateN bahaar kii baateN
vaadii-e-laala_zaar kii baateN

Sa'eed "Raahii"

Post by **najma** » Sat May 21, 2005 1:31 am

un k ghusse se bijliyaaN chamkeeN
barsii barsaat, batoN baatoN meiN
najma

Post by **Hashmat Usmani** » Sat May 21, 2005 1:35 am

ham to samjhe the k barsaat meN barsegii sharaab
aayii barsaat to barsaat ne dil toR diyaa

Sudarshan "Faakir"

Post by **najma** » Sat May 21, 2005 1:44 am

ham to samjhe thay k ik zakhm hay, bhar jaeyga
kya khabar thii k rag-e-jaaN meiN utar jaeyga

Post by **Hashmat Usmani** » Sat May 21, 2005 2:07 am

paaoN ke zaKhm haiN farsh-e-gul-e-tar hone tak
raah dushvaar hai aaGhaaz-e-safar hone tak

Himaayat Ali "Shaayar"

Post by **najma** » Sat May 21, 2005 2:10 am

rah,bar samajh liya hay tujhe, gard-e-karawaaN
chalte rahrNgay ham bhi, jahaaN tak ghubaar hay
najma

Post by **Hashmat Usmani** » Sat May 21, 2005 3:36 am

itnii jaldii to badalte nahiiN hoNge chehre
gard_aaluud hai, aaiine ko dhoyaa jaaye

Shahid Kabir

Post by **najma** » Sat May 21, 2005 8:49 am

sheeshoN ke muqaddar meiN bhi pat,thar nikal aaey
apna jinheN samjhe thay, sitam-gar nikal aaey
najma

Post by **najma** » Sun May 22, 2005 8:32 am

deewaangii ki detaa hay tohmat ha-ek shakhs
kis jurm ki milii hay sazaa, tere shehr meiN?
najma

Abdullah Nazir · Post by **Abdullah Nazir** » Tue May 24, 2005 11:30 am

afsous us ne waAdah wo iqraar touRkar

kehne lagi ke khwaab kii baateN nah keejiye.

Nazir.