Shair ka jawab shair main dejeye

Post by **najma** » Fri Jun 03, 2005 6:35 pm

dost na-dan ho agar najma
dostii meiN shumaar mat karna
(doustaoN)

najma

Post by **Hashmat Usmani** » Sun Jun 05, 2005 4:37 am

naa_daaN kii dostii, jii kaa ziyaaN!
jaane naa baalmaa, moraa piyaa!!

naa_ma'loom

Post by **najma** » Sun Jun 05, 2005 11:06 am

naadaanii hay raaz ki baateiN hushyaaroN se keh denaa
bojh agar halka karnaho, deewaaroN se keh denaa
najma

Abdullah Nazir · Post by **Abdullah Nazir** » Sun Jun 05, 2005 5:42 pm

Raat gaye jab baateN kartaa rehtaa hooN deewaraoN se

neend churaane waale kii yaadaoN ka sahaaraa letaa hooN.

Nazir.

Post by **Hashmat Usmani** » Sun Jun 05, 2005 7:13 pm

yaad e maazii 'azaab hai, yaaro!
yaa Rab! chheen le Haafiza meraa

Post by **najma** » Sun Jun 05, 2005 7:30 pm

shab-e-furqat tarapna daagh ka dekha naheen jata
guzar jaatii hay saarii raat, saare ghar ko sanjhaate
daagh

Abdullah Nazir · Post by **Abdullah Nazir** » Sun Jun 05, 2005 8:05 pm

visaal-e-yaar ke lamHe moyassar aaye mushkil se

nah khoujaayeN kahiN zulf-e-pareshaaN ke sanwarne meiN.

Nazir.

Post by **najma** » Sun Jun 05, 2005 8:18 pm

yaar se cheR cahlii jaey asad!
gar naheeN vas,l to hasrat hi sahii

Abdullah Nazir · Post by **Abdullah Nazir** » Mon Jun 06, 2005 2:44 am

Shaam-e-firaaq-yaar udaasi mili mujhe

shayad wo souchte heiN ke Aadat sii hougaiee.

Nazir.

Post by **najma** » Mon Jun 06, 2005 9:46 am

yaad aaey gii unko tab merii
jab koee or-na hamsafar hogii

najma

Abdullah Nazir · Post by **Abdullah Nazir** » Mon Jun 06, 2005 12:22 pm

Dil meiN yaadaoN se tumhaari, hei charaaghaaN kab se

Bhool jaaougi tou jeenaa miraa mushkil hougaa.

Nazir.

Post by **najma** » Mon Jun 06, 2005 2:07 pm

kya bane-gaa mareez-e-furqak ka
dard bhi dil se jab judaa hoga
najma

Abdullah Nazir · Post by **Abdullah Nazir** » Tue Jun 07, 2005 8:14 am

aankh nam hougaiee shab-e-hijraaN

Haal-e-dil lab pah aagayaa aakhir.

Nazir.

Abdullah Nazir · Post by **Abdullah Nazir** » Tue Jun 07, 2005 9:54 am

Chup chup ke jo dil jalaarahe hou

Deewaanah kise banaarahe hou.

Nazir.

Post by **najma** » Tue Jun 07, 2005 6:28 pm

jab se tuu ne mujhe deewana bana rak,kha hay
sag har shakhs ne haathoN meiN utha rakkha hay