PASANDEEDA ASH,AAR

Post by **zmufti** » Sat Jun 24, 2006 8:24 pm

nazar fareb-e-kazaa khaa ga_ii to kyaa hogaa
hayaat maut se Takaraa ga_ii to kyaa hogaa

Abdullah Nazir · Post by **Abdullah Nazir** » Sun Jun 25, 2006 5:50 am

"lazzat-e-Aish-e-vaSl kyaa jaaneN

is meiN HiSSah hameN milaa hee nahiN".

Shaayer: Ameer Meenaayi

Nazir.

Abdullah Nazir · Post by **Abdullah Nazir** » Mon Jun 26, 2006 8:03 am

"aayaa hee thaa abhi mire lab per wafaa kaa naam

kuch doustaoN ne haath meiN patthar uThaaliye."

Shaayer: Qateel Shifayi

Nazir.

Post by **zmufti** » Mon Jun 26, 2006 3:16 pm

u.Ngaliyo.n ko taraash duu.N phir bhii
aadatan us kaa naam likkhengii

Abdullah Nazir · Post by **Abdullah Nazir** » Tue Jun 27, 2006 2:36 am

"jee gayaa Meer kaa is lait o laAal meiN lekin

nah gayaa zulm hee teraa nah bahaana hee gayaa".

Shaayer: Meer Taqi Meer..

Nazir.

Tue Jun 27, 2006 11:29 am

meree aaNkhooN meN Sabr-e-sirat-e-at´har chamakta hai
bala se shehr-e-qatil meN agar khanjar chamakta hai.

shae'er Abdullah Nazir

ummassad · Post by **ummassad** » Tue Jun 27, 2006 5:27 pm

wohee kaarwan wohee raasty wohee zindagi wohi merhaley
mager apney apney muqaam per kabhi tum nahin kabhi hum nahain

Post by **zmufti** » Tue Jun 27, 2006 6:54 pm

sochataa huu.N ke ab a.njaam-e-safar kyaa hogaa
log bhii kaa.Nch ke hai.n, raah bhii pathariilii hai

Abdullah Nazir · Post by **Abdullah Nazir** » Wed Jun 28, 2006 10:33 am

"ghuroor-e-ishq ziyaadah ghuroor-e-Hujsn se hei

udhar tou aankh phiri dam idhar rawaanah houaa"

Shaayer: Haidar ali aathish

Nazir.

Wed Jun 28, 2006 8:30 pm

maza aajae ga meHshar meN kuch sunne sunane ka
zubaaN to ho gee meree guftago par aap kee ho gee.

simaab akbar aabadee.

Abdullah Nazir · Post by **Abdullah Nazir** » Fri Jun 30, 2006 9:45 am

"Haqq-e-khidmat meiN nahiN koii kamee kee ham ne

jaaNfishaani kaa ab inSaaf hei sarkaar ke haath"

Shaayer: aatish

Nazir.

Fri Jun 30, 2006 1:09 pm

durood-e-pak se itnee munawwar hai miree hastee
jahaN peshanee jhuktee hai wahaaN pat´thar chamakta hai.

shaeer, moHtaram Abdullah Naz^ir

Post by **zmufti** » Fri Jun 30, 2006 6:51 pm

aabaad ham aashuftaa saro.n se nahii.n maqtal
ye rasm abhii shahar me.n zindaa hai ke tum ho

Fri Jun 30, 2006 11:25 pm

dostooN tak meree aawaz naheeN hai meHdood
mera peGham moHabbat hai jahaaN tak pohnche.

jigar murad aabadee

Abdullah Nazir · Post by **Abdullah Nazir** » Sat Jul 01, 2006 6:14 am

"tegh uski maArke meiN jo chamki hilaal waar

sharmindah houke chaand sipar se nikal gayaai."

Shaayer: amaanat

Nazir.