• Lafz par Ashaar#11--"ISHQ "

Posted: **Thu Jun 09, 2005 12:59 am**

junoon-e-ishq ne barbaad kardiyaa mujhko

wo bewafaa hei, mirii baat maantaa hii nahiN.

Nazir.

Posted: **Thu Jun 09, 2005 1:44 am**

manzil-e-iashq meiN Khirad waale
sirf do-chaar log aate haiN
saghar

Posted: **Thu Jun 09, 2005 7:30 am**

Lutf wo Ishq maiN paaey haiN ke jee jaanta hai
ranj bhi aisay utthaey haiN ke jee jaanta hai

Posted: **Thu Jun 09, 2005 7:36 am**

Kab ishq kia, kis se kiya sab jhoot hai yarro
ab bhool bhi jao jo kabhi hum se suna ho....
-S.M.BILAL

Posted: **Thu Jun 09, 2005 10:21 am**

rah-zan aql, hosh deewaanah
ishq meiN koee rah-numaa na hua

saGhar

Posted: **Thu Jun 09, 2005 2:45 pm**

Yeh Ishq naheen aasaan itna samajh lijiye
ek aag ka darya hai aur doob ke jaana hai

Posted: **Thu Jun 09, 2005 6:39 pm**

jin se zinda ho ho yaqeen-o-aagahii ki aabruu
ishq ki raahoN meiNkuch ese gumaaN karte chalo
saghar

Posted: **Fri Jun 10, 2005 8:04 am**

ye husn teraa ye ishq meraa rangin to hai badnaam sahi
mujh par to kayee ilzaam lage tujh par bhi koi ilzaam sahi

Posted: **Fri Jun 10, 2005 1:36 pm**

suno, aiy ishq meiN tauqeer-e-hastii DhoonDnay walo!
ye wo manzil hay, jis manzil pe insaaN laR-khaRaate haiN
saGhar

Posted: **Sat Jun 11, 2005 1:44 am**

tere jooRe ke phool murjhaey
ishq ki bandagii ke kaam aaey
saghar

Posted: **Sat Jun 11, 2005 7:39 am**

Jur'at-e-ishq ne phir dii hei tasalli mukhko

phir dikhaayi diye aacaar nayi manzil ke.

Nazir.

Posted: **Sat Jun 11, 2005 11:39 am**

ham kabhi ishq ko veHshat nahiN ban'ne dete
dil ki tehzeeb ko tohmat nahiN ban'ne dete

Posted: **Sat Jun 11, 2005 11:51 am**

merii nigaah-e-shauq se har gul hay devtaa
maiN ishq ka khuda hooN, mujhe yaad kijiye
saghar

Posted: **Sat Jun 11, 2005 7:33 pm**

bohat khoob sra

ishq behroopiya hay aiy saGhar!
roop ne sadagii ko bech diya
saGhar

Posted: **Sat Jun 11, 2005 8:29 pm**

ham jaante to ishq na karte kasoo ke saath
ly jaate dil ko khaak meiN is aarzoo ke saath
meer