SAWALIYAH ASH,AAR========

Abdullah Nazir · Post by **Abdullah Nazir** » Thu Jun 23, 2005 12:10 pm

kyaa kahuN kahoN maiN tujh se apnaa qissa-e-ranj o miHan

dhoop meiN jhulsaa hooN saari zindagai tere liye

Nazir.

Post by **najma** » Thu Jun 23, 2005 12:14 pm

aise kab tak jiyogii tum najma!
jheel meiN pheNk pheNk kar kaNkar
najma

Post by **Hashmat Usmani** » Fri Jul 01, 2005 3:44 am

mere niyaaz-e-'ishq kii kia baat hai, "Shamim!"
qadmoN meN Husn ko na jhukaa duuN, to baat kia!

Shamiim Jaipurii

Abdullah Nazir · Post by **Abdullah Nazir** » Sun Jul 03, 2005 6:43 pm

kahaaN hei wo ke mira haal-e-zaar sun le kabhi

mizaaj-e-yaar meiN heiN kaj adaayiyaaN saari.

Nazir.

Post by **Hashmat Usmani** » Tue Jul 05, 2005 2:22 am

toR kar dekh liyaa aaiina-e-dil tuu ne
terii suurat ke sivaa aur, bataa! kia niklaa?

Muzaffar Warsi

Abdullah Nazir · Post by **Abdullah Nazir** » Thu Jul 07, 2005 3:45 am

kaun hei jis se hou ummeed-e-karam dunyaa meiN

jou bhi miltaa hei faqaT mujhko rulaane ke liye.

Nazir.

Post by **PK Swami** » Sun Jul 10, 2005 5:23 pm

kisko hai husn.e khudadaad kaa davaa dekheN
kis kaa cheHraa naheeN minaatkashe ghazaa dekheN !

aisee karwaT bhee koi karwaT hai ?
jiske pehloo meiN inqlaaB na ho!

saHne gulshan na sahee, dasht kaa aaghosh sahee
vaHshate dil ke liye koi to ghar paidaa kar !

rukaa rukaa sa tabassum, jhukee jhukee see nazar
tumHe saliqa.e begaangee kahaaN hai abhee !!

aakhiree jaam meiN kyaa baat thee aisee saaqi
ho gayaa pee ke jo khaamosh ,vo khaamosh raHaa !

ghuroor.e vaqt se kaH do kee hosh meiN aaye
zameen poochhne walee hai aasmaaN kaa mizaaj !

PK Swami

Post by **Hashmat Usmani** » Tue Jul 12, 2005 4:25 am

kaun aayegaa yahaaN? koii na aayaa hogaa
meraa darvaaza havaaoN ne hilaayaa hogaa

Kaif Bhopali

Post by **PK Swami** » Tue Jul 12, 2005 4:08 pm

aaHaT pe kaan, dar pe nazar,dil meiN ishtiyaaq
ye kaisee bekhudee hai tere intzaar meiN

PK Swami

Post by **Hashmat Usmani** » Wed Jul 13, 2005 2:21 am

kaun is raah se guzartaa hai!
dil yuuN hii intazaar kartaa hai

Nasiir Kaazmii

Post by **PK Swami** » Wed Jul 13, 2005 5:52 pm

shamma chup, parwanaa shasDar, ahle mehfil dam ba.khud
hai kyaa tasveer kaa aalam teri mehfil meiN hai !

PK Swami

Post by **Hashmat Usmani** » Wed Jul 13, 2005 7:35 pm

muntazir kab se taHayyur hai terii taqriir kaa
baat ka tujh par gumaaN hone lagaa tasviir kaa

AHmad Faraaz

RAUSHNEE · Post by **RAUSHNEE** » Fri Jul 15, 2005 9:42 pm

dil he tu hai na sang-0-khisht dard say bhar na aye kiyon
royen gay hum hazar bar koii hamein sateye kiyon ?

Post by **PK Swami** » Sun Jul 17, 2005 4:22 pm

kyoN baRhayaa aapne jaam.e tihee merii taraf
aur isse tez merii tishnakamee ho gayee!

PK swami

Abdullah Nazir · Post by **Abdullah Nazir** » Mon Jul 18, 2005 4:16 am

kis liye kehdooN ke chashm-e-naz ne rusvaa kiyaa

rind bhii maiN aur shaiday-e-lab-e-janaaN bhii maiN.

Nazir.

SAWALIYAH ASH,AAR========

???

???

???

???