• Harf-e-"CHE" se ash'aar raqam kijiiye...plz.

Posted: **Tue Apr 11, 2006 1:12 am**

chupaalete heiN apne chaand se chehreh ko yooN mujh se

keh jaise dekh loongaa to nazar lag jaayegi unko.

Shaayer: Abdullah Nazir.

Nazir.

Posted: **Sun Apr 16, 2006 11:42 am**

chaman ki vaz'A ne hum ko kiya daagh
ke har ghuncha, dil-e-pur aarzoo thha--Meer

Posted: **Tue Apr 18, 2006 1:40 am**

cheRiye dheeme suraoN meiN dousti ki raagni

beHr-e-kam amvaaj meiN ToofaaN uThaakar dekhiye.

Shaayher: Abdullah Nazir.

{/color]
Nazir.

Posted: **Wed May 24, 2006 11:41 pm**

cahata houn kh bhoul jaoun tumhain
aour khud bhi nh yaad aayoun tumhain

Posted: **Sun Jun 04, 2006 7:17 am**

chaahooN agar bahaar tou HaaSil khazaaN mujhe

taufeeq-e-ikhtiyaar chaman meiN kahaaN mujhe.

Shaayer: Abdullah Nazir.

Nazir.

Posted: **Sun Aug 06, 2006 4:34 am**

chand kaliyan nishat ki chun ker mudatoun mahooe yaas rahta houn
tera milna khushi ki baat sahee tujh se milkey uddas rehtaa houn

Posted: **Thu Aug 17, 2006 8:28 pm**

chman main lala dikhata phirta hy daag apna kali kali ko

yeh janta hy kh is dikhawey se dil jaloun main shumar hoga.

Posted: **Tue Aug 22, 2006 5:16 am**

'che'

chhoRHa na rashk ne, ke tira ghar ka naam luN
har ik se poochhta hun, ke jaaoN kidhar ko maiN?--Ghalib

Posted: **Tue Aug 22, 2006 5:21 am**

'che'

chalta huN thhoRHi door, har ik tez_rau ke saath
pehchaanta nahiN huN, abhi raahbar ko maiN--Ghalib

Posted: **Thu Aug 24, 2006 5:17 pm**

chamanzaar.e muhabbat meiN khamoshee maut hai bulbul
yahaaN kee zindgee paabandi.e rasm.e fughaaN tak hai !

Iqbaal

PK Swami

Posted: **Tue Nov 28, 2006 10:32 am**

Chamak tujh se paate haiN sab paane vaale
mira dil bhi Chamkaa de Chamkaane vaale

~ Aala Hazrat ~

Posted: **Mon Dec 18, 2006 8:19 pm**

chale the dar peh tire ArZ-e-Haalkarne ko

qadam qadam peh magar theeN hazaar deewaareN.

Shaayer: Abdullaj Nazir

Nazir.

Posted: **Mon Dec 18, 2006 8:22 pm**

chaman kii bahaaroN meiN thaa aashiyaanaa,
na jaane kahaaN kho gayaa vo zamaanaa!!

Posted: **Mon Dec 25, 2006 11:22 am**

chaman mein yo'n to kahne ko bahut hain aashiyaa'n lekin
giregee jis pe kal bijalee vo meraa aashiyaa'n hogaa

nooh naarvi

Posted: **Mon Dec 25, 2006 11:59 am**

chaman meiN subHa ye kahatii thii ho kar chashm-e-tar shabanam,
bahaaaaar-e-baaaaaGh to yuuN hii rahii lekin kidhar shabanam?!!

Harf-e-"CHE" se ash'aar raqam kijiiye...plz.