Lafz par Ashaar#5--" ZAKHAM"

Abdullah Nazir · Post by **Abdullah Nazir** » Wed Apr 13, 2005 3:31 pm

Her rouz zakhm-e-taazah se mujko nahiN mafar

SeHraa mein kab se micl-e-ghazaal-e-rameedah hooN.

Nazir.

Post by **najma** » Wed Apr 13, 2005 3:57 pm

bohat khoob

aaj us ne mire zakhmoN pe chiRakne ke liye
zeh,r bhii laa ke milaya hay namak-danoN meiN
najma

Abdullah Nazir · Post by **Abdullah Nazir** » Wed Apr 13, 2005 5:59 pm

anginat zakhm diye teri shanaasaayii ne

bhool jaanaa tujhe aasaan hei kyaa mere liye?

Nazir.

Post by **najma** » Wed Apr 13, 2005 6:52 pm

go, ye marham to naheeN, zakhm-e-jigar ke haq meiN
gul se beh,tar haiN, jo khaaroN ke payaam aate haiN
nafis ahmad siddiqui

Abdullah Nazir · Post by **Abdullah Nazir** » Wed Apr 13, 2005 8:19 pm

zakhm-e-dil ke liye marham bhii moyassar hei kahaaN

tujh se ab chaarahgari kii koii ummeed nahiN.

Nazir.

Post by **najma** » Wed Apr 13, 2005 8:24 pm

kis raah meiN hay mausim-e-gul, DhoonD ke laao
zakhmoN se mire hogii mudaaraat kahaaN tak
najma

Abdullah Nazir · Post by **Abdullah Nazir** » Wed Apr 13, 2005 8:34 pm

bardaasht nahiN mujh meiN tap-e-zakhme-jigar kii

faryaad nah aajaye kahiN meri zubaaN tak.

Nazir.

Post by **najma** » Wed Apr 13, 2005 8:35 pm

ham to samjhe thay keh ik zakhm hay, bhar jaeyga
kya khabar thii keh rag-e-jaaN meiN utar jaeyga

Abdullah Nazir · Post by **Abdullah Nazir** » Wed Apr 13, 2005 8:44 pm

Zakhm lagtaa hei jo duzdeedah nigaahii se tiri

kaun kehtaa hei ke aasaani se bhar jaayegaa.

Nazir.

Post by **najma** » Wed Apr 13, 2005 8:51 pm

zakhm dil ke bhar gaey abroo-e-qatil dekh kar
bakht ne mere liye khanjar ko marham kardiya
naasikh

Abdullah Nazir · Post by **Abdullah Nazir** » Wed Apr 13, 2005 9:00 pm

Kyaa chalaa jaaooN maiN zkhakhm-e-dil ko hanstaa chouRkar

yaa tire haathaoN meiN marham hei lagaane ke liye?

Nazir.

Post by **najma** » Wed Apr 13, 2005 9:05 pm

kal mujhe jis ne zakhm bakh,she thay
aaj uskii bhi chashm tar hogii
najma

Abdullah Nazir · Post by **Abdullah Nazir** » Wed Apr 13, 2005 9:13 pm

hazaar zakhm sahungaa tiri muHabbat meiN

mujhe shikast-e-wafaa mehrbaaN qubool nahiN.

Nazir.

Post by **najma** » Wed Apr 13, 2005 9:17 pm

har har qadam pe jis ne diye zakhm be-shumaar
us fitna-gar ko bhool na jaaoN to kya karooN
najma

Abdullah Nazir · Post by **Abdullah Nazir** » Wed Apr 13, 2005 9:25 pm

Kehne ko tap-e-zakhm-e-jigar kam tou nahiN hei

Aiy bhoolne waale tuu mire dil meiN makeeN hei.

Nazir.