• Lafz par Ashaar#7--" MAUSAM"

Posted: **Fri Apr 22, 2005 12:57 pm**

mil bhii jaate haiN to katraa ke nikal jaate haiN
haaye! mausam kii taraH dost badal jaate haiN

Bashiir Badr

Posted: **Fri Apr 22, 2005 11:05 pm**

chaman roye, haNse shabnam, biyaabaaN par nikhaar aaye
ek aisaa bhii nayaa mausam mere parvar-digaar aaye

Qamar Jalaalwii

Posted: **Fri Apr 22, 2005 11:46 pm**

churaalo umr miri aek shaam hii kyaa hei

agar yeh piyaar kaa mausam tumheN buraa nah lage

Nazir.

Posted: **Sat Apr 23, 2005 12:01 am**

sard mausim meiN kaheeN saaNs na jamne paey
jism ke khol meiN ik shola, sadaa ka rakhna

Posted: **Sat Apr 23, 2005 12:10 am**

jaate mausam kii 'ajab tasviir hai chaaroN atraaf
darmiyaaN us ke hai ik pattaa haraa hotaa huaa

Hari Manchanda "Bani"

Posted: **Sun Apr 24, 2005 1:27 am**

achchhaa saa koii mausam, tanhaa saa koii 'aalam
har waqt kaa ronaa to be_kaar kaa ronaa hai

Nida Faazli

Posted: **Sun Apr 24, 2005 4:00 am**

aaaaaaaawwwww Saaraa...na roiye

kaaNToN kii chubhan paii, phuuloN kaa mazaa bhii
dil dard ke mausam meN royaa bhii, haNsaa bhii

Sundar Malik "Gumnaam"

Posted: **Sun Apr 24, 2005 10:33 pm**

kabhii gunchaa, kabhii sho'la, kabhii shabnam kii taraH
log milte haiN badalte huye mausam kii taraH

Ra'na "SaHrii"

Posted: **Mon Apr 25, 2005 3:28 am**

zulm ke kaale baadal se Darnaa kaisaa
ye mausam to aane jaane vaale haiN

Majid Deobandi

Posted: **Mon Apr 25, 2005 3:47 am**

kaaNToN kii chubhan paii. phuuloN kaa mazaa bhii
dil dard ke mausam meN royaa bhii, haNsaa bhii

Surendra Malik "Gumnaam"

Posted: **Mon Apr 25, 2005 4:10 am**

biitaa diid ummiid kaa mausam, Khaak uRtii hai aaNkhoN meN
kab bhejoge dard kaa baadal, kab barkhaa barasaaoge

Faiz AHmad "Faiz"

Posted: **Mon Apr 25, 2005 3:29 pm**

kitne mausam aaye gaye , ham dil waalaoN ke jeevan meiN

tujh se jitnaa piyaar kiyaa thaa, us se ziyaadah aaj bhii hei.

Nazir.

Posted: **Tue Apr 26, 2005 1:14 am**

udaas kaaGhazii mausam meN rang_o_buu rakh de
har ek phuul ke lab pe meraa lahuu rakh de

Bashir Badr

Posted: **Tue Apr 26, 2005 5:54 am**

biit gayaa saavan kaa mahiina, mausam ne nazareN badalii
lekin, in pyaasii aaNkhoN meN ab tak aaNsuu bahte haiN

Habiib Jaliib

Posted: **Wed Apr 27, 2005 11:08 am**

bahar qadam na rakhna tum is andherii shab meiN :?
pehle ye soch lena mausim hay baarishoN ka

khawar qureshi

Lafz par Ashaar#7--" MAUSAM"