• Sher ke doosre misre ke pehle/aakhri alfaaz se sher kahiye!

Posted: **Thu May 26, 2005 3:27 am**

jijr kii shab tou wo maah rukh tou milaa nah mujhse kisi TaraH

miraa dil fasarurdah rahaa bahut miri aankh se thaa ravaan luhoo.

"wao"

Nazir.[/i]

Posted: **Thu May 26, 2005 3:51 am**

laakh samjhaooN magar tum nah kabhi maanouge

yooN hii takraar meiN yeh raat guzar jaayegi.

yooN / jaaegi

Nazir.

Posted: **Thu May 26, 2005 5:06 am**

yuuN unkii bazm-e-KhaamoshiyoN ne kaam kiyaa
sab ne merii muHabbat kaa ehtaraam kiyaa

Sa'eed Raahii

SAB / KIYAA

Posted: **Thu May 26, 2005 8:59 am**

sab kuch khudaa se maang liya tujh ko maangkar
uThte naheeN haiN haath mire, is duaa ke ba,d
uThte/ba,d

Posted: **Thu May 26, 2005 11:55 am**

wo to unka zarf tha, aur ye hamara hauslah
zulm wo karte rahay, ham marhaba kehte rahay
najma

zulm/rahay

Posted: **Thu May 26, 2005 9:02 pm**

thii aaas hameN jin se , wohii ehd meiN apne
karte haiN inhiraaf, baRee bhool hogaee

karte/hogaee

Posted: **Sat May 28, 2005 3:37 am**

thaa muste'aar Husn se uske jo nuur thaa
Khurshiid meN bhii usii kaa zarraa-e-zahuur thaa

Meer Taqii Meer
Khursheed / thaa

Posted: **Sun May 29, 2005 8:21 pm**

samjhe thay uske lab pah nah houngi shikaayateN

zaalim ne ham se wadah kiyaa aur mukar gayaa.

(zaalim / gayaa)

Nazir.

Posted: **Sun May 29, 2005 8:28 pm**

gaya, to saath mirii rooh ka dhuwaaN le-kar
khayal-e-yaar ne choRa na saath jeete jee
nafis ahmad siddiqui

Posted: **Mon May 30, 2005 9:49 pm**

ye na thi hamari qismat, keh visaal-e-yaar hota
agar aur jeete rehte, yehii itizaat hota

agar/hota

Posted: **Mon May 30, 2005 10:22 pm**

kabhi kabhi mire dil meiN khayaal aataa hay
keh jaise tujh ko banaya gaya hay mere liye

keh/liye

Posted: **Tue May 31, 2005 12:11 pm**

haaey ray insaan ki majbooriyaaN
paas reh ka bhi haiN kitni duuriyaaN

paas/duuroyaaN

Posted: **Wed Jun 01, 2005 2:18 am**

huye haiN tum pe 'aashiq ham, bhalaa maano, buraa maano
yeh chaahat ab na hogii kam, bhalaa maano, buraa maano

YEH / MAANO

Posted: **Wed Jun 01, 2005 12:15 pm**

aaee to har balaa, magaraa aa ke Tal gaee
najma! ye sab kisii kiduaaoN ka hay acar

najma/acar

Posted: **Fri Jun 03, 2005 11:19 am**

ranj o gham se raah-e-ulfat mein mafar mumkin nahiN

Phir bhii tum ko dekhte hii muskuraadete heiN ham.

(phir /ham)

Nazir.

Sher ke doosre misre ke pehle/aakhri alfaaz se sher kahiye!