PASANDEEDA ASH,AAR

Post by **PK Swami** » Sat Aug 26, 2006 6:01 pm

DhuaaN dil se uThe, cheHre pe aayee, noor ho jaaye
baRee mushkil aataa hai ye fan, aaHistaa , aaHistaa !

maiN aHle anjuman kee khilwate dil kaa mughannee hooN
mujhe peHchaan legee anjuman, aaHistaa aaHistaa !!

PK Swami

Post by **Daanish** » Sun Aug 27, 2006 2:56 am

'pasandeedah'

tum ko bhi hum dikhaayeN, ke majnooN ne kya kiya
fursat kashaakash-e-Gham-e-pinhaaN se gar milay
--Ghalib

hassan_bashir · Post by **hassan_bashir** » Sun Aug 27, 2006 1:38 pm

dushmanoN ke sitam kaa Khuaf nahiiN
dostoN kee vafaa se Darate haiN

Post by **Daanish** » Sun Aug 27, 2006 4:27 pm

'pasandeedah'

muddat se humeiN fikr thhi isbaat-e-dahan ki
uqda yeh hua jumbish-e-lab se tire Hal aaj
--Mus'Hafi

Post by **zmufti** » Sun Aug 27, 2006 6:07 pm

mirre sajdoN ki yaa Rab tishna kaami kiyoN nahiN jaaati
yeh kyaa be aitenaaii apne bande se khuda ho kar

Abdullah Nazir · Post by **Abdullah Nazir** » Mon Aug 28, 2006 1:11 am

"mushkil hei mere Ahd-e-muHabbat kaa TooTnaa

aiy bewafaa yeh teri wafaa kee qasam nahiN".

Shaayer: zauq

Nazir.

Post by **Daanish** » Mon Aug 28, 2006 7:34 am

'pasandeedah'

masnad-e-shaahi ki Hasrat hum faqeeroN ko nahiN
farsh hai ghar meiN hamaare chaadar-e-mehtaab ka
--Hyder Ali Aatish

Post by **Daanish** » Tue Aug 29, 2006 2:45 am

'pasandeedah'

Khumaar-e-balaa_nosh tuu aur tauba
tujhe zaahidoN ki nazar lag gayi hai

Post by **PK Swami** » Tue Aug 29, 2006 5:26 pm

dekhaa hai jab se unkee nazar ke khumaar ko
maanoos ho gayee hai tabeeat sharaab se !

PK Swami

hassan_bashir · Post by **hassan_bashir** » Tue Aug 29, 2006 7:09 pm

koee va'ada nahiN kiyaa lekin, kyuN tira intezaar rehtaa hai
be-vajah jab qaraar mil jaaye, dil baRa be-qaraar rehtaa hai

Abdullah Nazir · Post by **Abdullah Nazir** » Wed Aug 30, 2006 12:37 am

"sitam ke teer uske mere seene meiN bahut TooTe

kiyaa janaa hei mushkil farq ab dil aur paikaaN meiN".

Shaayer: Meer Taqi Meer.

Nazir.

ummassad · Post by **ummassad** » Wed Aug 30, 2006 3:22 am

duniya ki nafratain mujhy khalash kergaiyn
aik pyer ki nazar merey kaasey main daliye.

ummassad · Post by **ummassad** » Wed Aug 30, 2006 3:28 am

touheed ki amanat seeney main hey hamarey
aasan nahin mitana naam.o.nishan hamara

Post by **Daanish** » Wed Aug 30, 2006 5:21 am

sau pusht se hai pesh-e-aaba sipahgari
kuchh shayari zariy'e-e-izzat nahiN mujhe
--Ghalib

Post by **zmufti** » Wed Aug 30, 2006 4:25 pm

mai.n haath kii lakiire.n miTaane pe huu.N ba-zid
go jaanataa huu.N naqsh nahii.n ye sleT ke

PASANDEEDA ASH,AAR

Pasandeedah

Pasandeedah