SAWALIYAH ASH,AAR========

ummassad · Post by **ummassad** » Mon Aug 28, 2006 3:58 am

aaj wan ser pe kafan bandhey huye jataa houn main
uzer merey qatal kerney main vo fermayengy kiyaa

Post by **Daanish** » Mon Aug 28, 2006 7:26 am

'sawaaliyah'

unheiN yeh fikr hai har dum, nayi tarz-e-jafaa kya hai?
humeiN yeh shauq hai, dekheN sitam ki intehaa kya hai?
Pt. Brij NaraiN Chakbast

ummassad · Post by **ummassad** » Mon Aug 28, 2006 5:18 pm

kyun chamun main be sadaa misl.e.rum e shaabnum hey tuu?
lub kusha hoja sarood.e.but.e.aalum he tuu?

Post by **Daanish** » Tue Aug 29, 2006 2:52 am

'sawaaliyah'

'Dard' kuchh ma'loom hai, yeh log sab
kis taraf se aaye thhe, kidhhar chalay?
Khwaja Meer Dard

Abdullah Nazir · Post by **Abdullah Nazir** » Tue Aug 29, 2006 4:47 am

daaman-e-yaar hei bheegaa houaa ashkaoN se mire

abr-e-gham jaari hei barsaat kahaaN khatm houee.

Shayer: Abdullah Nazir.

Nazir.

Post by **Daanish** » Tue Aug 29, 2006 12:19 pm

'sawaaliyah'

chashm-o-dil-o-dimaaGh-o-jigar, sab ko ro rahe
is ishq-e-Khaana_soz ne kya kya dikhaaye daaGh?
Meer

Abdullah Nazir · Post by **Abdullah Nazir** » Tue Aug 29, 2006 4:19 pm

be-niyaazi bandha-parwar be-sabab hei kis liye

kiyuN churaate hou nazar kiyuN jaankar anjaan hou.

Shayer: Abdullah Nazir.

Nazir.

ummassad · Post by **ummassad** » Thu Sep 07, 2006 2:51 am

beniazi hud se guzri bandaperwar kab taluk
hum kahaingey hall.e.dil aor aap fermaingey kiya

Post by **Daanish** » Thu Sep 07, 2006 2:57 am

tanhaai hai, Ghareebi hai, seHraa hai, Khaar hai
kauN aashna-e-Haal hai, kis ko pukaariye?
--Aatish

Post by **Mayank** » Fri Sep 08, 2006 5:37 am

vo kyaa gayaa ke rafaaqat ke saare lutf gaye
mai.n kis se ruuTh sakuu.Ngii kise manaa_uu.Ngii
-Praveen Shaakir

Post by **Daanish** » Fri Sep 08, 2006 4:11 pm

'sawaaliyah'

kin HijaaboN se is ko paala thha
kyoN na ho waah re bashar ki talaash?
--DaaGh

Post by **PK Swami** » Sat Sep 09, 2006 6:19 pm

ilaahee aik dil aur uspe aaNkheN paaNch dushman kee ?
adaa kee, naaz kee, andaaz kee, ghamzaa kee, chitwan kee !!- Kushtaa

PK Swami

Post by **Daanish** » Sun Sep 10, 2006 3:22 am

'sawaaliyah'

yeh kya majaal ke hum tark-e-iltijaa karte
dahan ko sii bhi jo lete, nazar ko kya karte?
--Jigar

Abdullah Nazir · Post by **Abdullah Nazir** » Sun Sep 10, 2006 4:36 am

jitne hamraah thay wo bhool gaye ai Nazir

kaun suntaa hei bhalaa gard-e-safar kee baateN.

Shaayer: Abdullah Nazir.

Nazir.

Post by **Daanish** » Sun Sep 10, 2006 8:32 am

'sawaaliyah'

sun tau ai dil yeh barhami kya hai?
aaj, kuchh dard meiN kami kya hai?
--Jigar