SAWALIYAH ASH,AAR========

Abdullah Nazir · Post by **Abdullah Nazir** » Sun Sep 10, 2006 11:09 pm

kis ko hei khauf-e-kharzaar-e-alam

jab miraa ghamgusaar baaqi hei

Shaayer:Abdullah Nazir.

Nazir.

Post by **Daanish** » Mon Sep 11, 2006 2:33 am

'sawaaliyah'

isi talaash-o-tajassus meiN khho gaya huN maiN
agar nahiN huN, tau kyoN kar? jo huN tau kya huN maiN?
--Jigar

Abdullah Nazir · Post by **Abdullah Nazir** » Mon Sep 11, 2006 3:00 am

Heelah-joo thay tire paimaan-e-wafaa kyaa kyaa kuch

aur sitam touRe baSad naaz o adaa kyaa kyaa kuch

Shaayer: Abdullah Nazir.

Nazir.

Post by **Daanish** » Mon Sep 11, 2006 3:05 am

'sawaaliyah'

maiN kya karuN balaa se jo tuu mehrbaaN hai ab
woh dil kahaaN hai ab woh tab'iiyat kahaaN hai ab?
--DaaGh

Abdullah Nazir · Post by **Abdullah Nazir** » Mon Sep 11, 2006 4:22 am

karam se aap ke nah kiyuN faZaay-e-sarkhushi mile

Hareem-enaaz meiN heiN jab ravaaN davaaN tajalliyaaN

Shaayer: Abdullah Nazir.

Nazir.

Post by **Daanish** » Mon Sep 11, 2006 11:41 am

'sawaaliyah'

haaN woh nahiN Khuda_parast, jaao woh bewafaa sahii
jis ko ho deen-o-dil azeez, uski gali meiN jaaye kyoN
--Ghalib

Post by **PK Swami** » Mon Sep 11, 2006 5:33 pm

paas.e aadaab.e muhabbat naheeN kahne detaa
tum samajhte ho k maiNe tumHe samjhaa hee naheeN ?

PK Swami

Abdullah Nazir · Post by **Abdullah Nazir** » Mon Sep 11, 2006 5:57 pm

Heraa quSoor kyaa hei ilzaam de nah mujhko

chehrah hei surkh teraa zulfaoN kee barhami se

Shaayer: Abdullah Nazir.

Nazir.

Post by **Daanish** » Wed Sep 13, 2006 2:59 am

dekhna, qismat, ke aap apne pe rashk aa jaaye hai
maiN usay dekhuN, bhalaa kab mujh se dekhaa jaaye hai?
--Ghalib

Abdullah Nazir · Post by **Abdullah Nazir** » Wed Sep 13, 2006 5:26 pm

dekheN bhee tou kyaa manzar-e-SeHraa ke siwaa ham

jaayeN bhee kahaaN paauN meiN zanjeer paRi hei.

Shaayer: Abdullah Nazir.

Nazir.

ummassad · Post by **ummassad** » Wed Sep 13, 2006 9:45 pm

ay jaan teri yaad ke benaam parindey
shakhoun ph merey dard key utraingey kisi din?

Post by **Daanish** » Thu Sep 14, 2006 3:58 am

'sawaaliyah'

arsh tak tau le gaya thha saath apne Husn ko
phir nahiN ma'aloom ab Khud ishq kis manzil meiN hai
--AsGhar

Post by **Daanish** » Fri Sep 15, 2006 2:57 am

'sawaaliyah'

nigaah-e-naaz, jisay aashnaa-e-raaz kare
woh apni Khoobi-e-qismat pe kyoN na naaz kare
--Hasrat Mohaani

Post by **Daanish** » Sat Sep 16, 2006 2:22 am

'sawaaliyah'

na kuchh fanaa ki Khabar hai, na kuchh baqaa ma'aloom
bas ek beKhabari hai, so woh bhi kya ma'aloom?
--AsGhar

Abdullah Nazir · Post by **Abdullah Nazir** » Sat Sep 16, 2006 5:51 am

koii sunaayegaa kyaa apnaa Haal-e-dil :Nazir:

aseer panja-e-ddaar o rasan meiN rahne tak.

Shaayer: Abdullah Nazir.

Nazir.