PASANDEEDA ASH,AAR

hassan_bashir · Post by **hassan_bashir** » Tue Nov 28, 2006 6:28 am

sara_j wrote:jab main kahta hoon ke ya Allah mera haal dekh

hukm hota hai ke apna naamaye aamaal dekh

'Akbar Allahabadi'

Vahhhh!!!

aatee hai baat baat mujhe baar baar yaad,
kehta huuN dauR dauR ke qaasid se raah maiN!

Abdullah Nazir · Post by **Abdullah Nazir** » Tue Nov 28, 2006 4:17 pm

"dam nah le aiy acar-e-naalah ke maAloom houaa

jin peh dam dete heiN ham, wo hameN dam dete heiN".

Shaayer: Mumin Khan :Mumin:

Nazir.

hassan_bashir · Post by **hassan_bashir** » Wed Nov 29, 2006 6:54 am

sauNpaa tumheN Khudaa ko Chale ham to naamuraad,
kuchh paRh ke baKhshanaa jo kabhii yaad aayeN ham!

Abdullah Nazir · Post by **Abdullah Nazir** » Fri Dec 01, 2006 11:33 am

Mujhe gar yaad reh jaate tou maiN shayad keh marjaataa

zaraa si baat ke us ne jou afsaane banaa Daale.

Shaayer: Abdullah Nazir.

Nazir.

hassan_bashir · Post by **hassan_bashir** » Mon Dec 04, 2006 8:00 am

haNs haNs ke javaaN dil ke ham kyuN na chuneN TukaRe
har shaKhs kee qismat meiN inaaaaaaaaaam nahiin hotaa

hassan_bashir · Post by **hassan_bashir** » Wed Dec 06, 2006 9:56 am

laayii hayaat, aayii qaza, le chalii chale,
apnii khushii se aaye, na apnii khushii chale!!

hassan_bashir · Post by **hassan_bashir** » Thu Dec 07, 2006 6:31 am

dar-e-ka'aba pe jhukeN yaa k tirii chaukhaT par?
baNde allaah ke haiN, tere tamannaa'ii bhii

R.K. "Qais"

Abdullah Nazir · Post by **Abdullah Nazir** » Fri Dec 08, 2006 3:30 am

tire aazaad bandaoN kee nah yeh dunyaa nah wo dunyaa

yahaaN marne kee paabundi vahaaN jeene kee paabundi".

Shaayer: Iqbal

Nazir.

Fri Dec 08, 2006 8:56 pm

[align=center]chaman meN faSl-e-gul aaee hai Saraa
diYa paeGhaam Yeh bad-e-Saba ne!

(Saraa JabeeN)[/align]

Abdullah Nazir · Post by **Abdullah Nazir** » Sat Dec 09, 2006 3:11 am

"zamaane meiN agar koyee nahiN apnaa tou kyaa parvaa

kisiee se kyaa gharaZ mujhko keh meraa aasraa tum hou".

Shaayer: Hasrat Mohaani

Nazir.

hassan_bashir · Post by **hassan_bashir** » Sun Dec 10, 2006 7:17 am

jaane kyaa TuuTa hai paimaaaaaaaana k dil hai meraa
BIKHARE-BIKHARE haiN khayaalaat mujhe hosh naheeN

Abdullah Nazir · Post by **Abdullah Nazir** » Sun Dec 10, 2006 12:24 pm

housh kis ko thaa bhalaa housh tou ab aayaa hei

jabkeh daaman hei salaamat nah girebaaN SaaHib.

Shaayer: Abdullah Nazir.

Nazir.

Sun Dec 10, 2006 1:12 pm

mujhe tasleem hai tune muHabbat mujh se kee ho gee
magar Halaat ne iz^haar kee mohlat nah dee ho.
(Ahmad nadeem qasami)[align=center][/align]

Abdullah Nazir · Post by **Abdullah Nazir** » Mon Dec 11, 2006 6:38 am

"gham-e-ishq rehgayaa hei gham-e-justajoo meiN Dhal kar

wo nazar se chup gaye heiN miri zindagi badal kar".

Shaayer: Shakeel Badauni.

Nazir.

Abdullah Nazir · Post by **Abdullah Nazir** » Mon Dec 11, 2006 4:20 pm

aankh meiN taab kahaaN hei tiraa jalwah dekhe

apne deewaane ko deewaanah banaataa kiyuN hei?.

Shaayer: Abdullah Nazir.

jab / hei

Nazir.